ମୁମ୍ବାଇ: ମୁମ୍ବାଇ ବିମାନ ବନ୍ଦରରେ ଟଳିଲା ବଡ ଧରଣର ଅଘଟଣ । ଗୁଜୁରାଟର ଜାମନଗରରୁ ମୁମ୍ବାଇ ଆସିଥିବା ଏୟାର ଇଣ୍ଡିଆ ବିମାନ ଅବତରଣ ବେଳ ଏହି ଅଗ୍ନିକାଣ୍ଡ ଘଟିଛି । ବିମାନକୁ ଟାଣିବା ପାଇଁ ବ୍ୟବହାର କରାଯାଉଥିବା ପୁସବ୍ୟାକ ଭେଇକିଲରେ ନିଆଁ ଲାଗିଯାଇଥିଲା । ତେବେ ତୁରନ୍ତ ଘଟଣାସ୍ଥଳରେ ଥିବା ଅଗ୍ନିଶମ ଟିମ ନିଆଁକୁ ଆୟତ କରିବାରେ ସଫଳ ହୋଇଥିଲେ । ଏହି ବିମାନରେ 85 ଜଣ ଯାତ୍ରୀ ଥିବାବେଳେ ସମସ୍ତେ ସୁରକ୍ଷିତ ଥିବା ସ୍ପଷ୍ଟ କରିଛି ଏୟାର ଇଣ୍ଡିଆ ।
Mumbai Airport Fire Tragedy: ମୁମ୍ବାଇ ବିମାନ ବନ୍ଦରରେ ଅଗ୍ନିକାଣ୍ଡ
ସମ୍ପୂର୍ଣ୍ଣ ଘଟଣା କ୍ରମ ଅନୁସାରେ, ଆଜି(ସୋମବାର) ଅପରାହ୍ନ ପ୍ରାୟ 1 ବେଳେ ଏୟାର ଇଣ୍ଡିଆ ବିମାନ AI-647 ମୁମ୍ବାଇ ବିମାନ ବନ୍ଦରରେ ଅବତରଣ କରିଥିଲା । ବିମାନକୁ ଠେଲିବା ପାଇଁ ବ୍ୟବହୃତ ହେଉଥିବା ଯାନରେ ହଠାତ ନିଆଁ ଲାଗି ଯାଇଥିଲା। ତେବେ ଯାତ୍ରୀମାନେ ବିମାନ ମଧ୍ୟରେ ଥିଲେ । ବିମାନର ଅତି ନିକଟରେ ଏହି ଯାନରେ ନିଆଁ ଲାଗିଯାଇଥିବାରୁ ତୁରନ୍ତ ଅଗ୍ନିଶମ ଟିମ ନିଆଁକୁ ଆୟତ କରିବାରେ ସକ୍ଷମ ହୋଇଥିଲେ।