Major Road Accident: ଟ୍ରକକୁ ଧକ୍କା ଦେଲା ବୋଲେରୋ, ଗୋଟିଏ ପରିବାରର ୬ ମୃତ

ରାଜସ୍ଥାନ ଯୋଧପୁରରେ ମର୍ମନ୍ତୁଦ ସଡକ ଦୁର୍ଘଟଣା । ଟ୍ରକ୍ ସହ ବୋଲେରୋ ଧକ୍କା ହେବା ଯୋଗୁଁ ଗୋଟିଏ ପରିବାରର ୬ ଜଣଙ୍କ ମୃତ୍ୟୁ । ଅଧିକ ପଢନ୍ତୁ

ଜୟପୁର:ରାଜସ୍ଥାନ ଯୋଧପୁରରେ ମର୍ମନ୍ତୁଦ ସଡକ ଦୁର୍ଘଟଣା(Major Road Accident in Jodhpur) । ଟ୍ରକ୍ ସହ ବୋଲେରୋ ପିଟି ହେବା ଫଳରେ ଗୋଟିଏ ପରିବାରର ୬ ଜଣଙ୍କ ମୃତ୍ୟୁ ଘଟିଛି । ଦୁର୍ଘଟଣାରେ ୩ ଜଣ ଆହତ ହୋଇଛନ୍ତି । ଆହତଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି । ଗତକାଲି(ଗୁରୁବାର) ବିଳମ୍ବିତ ରାତିରେ ଯୋଧପୁର-ଜୟପୁର ଜାତୀୟ ରାଜପଥରେ ଏହି ଦୁର୍ଘଟଣା ଘଟିଛି । ମୃତକମାନେ ଚୁରୁ ଅଞ୍ଚଳର ହୋଇଥିବା ପରିଚୟ ମିଳିଛି । ସେମାନେ କୁଳଦେବୀଙ୍କ ଦର୍ଶନ ପାଇଁ ନାଗାନା ଯାଉଥିବା ସମୟରେ ଏହି ବଡ ଅଘଟଣ ଘଟିଯାଇଛି ।

ପୋଲିସର ସୂଚନା ଅନୁଯାୟୀ, ରାତି ପ୍ରାୟ ୧ଟା ସମୟରେ ଦୁର୍ଘଟଣା ଘଟିଛି । ଜୟପୁର ପଟୁ ଆସୁଥିବା ବୋଲେରୋ ଟ୍ରକକୁ ପଛଆଡୁ ଧକ୍କା ଦେଇଥିଲା । ଫଳର ବୋଲେରୋରେ ଥିବା ଗୋଟିଏ ପରିବାରର ୬ ଜଣ ସଦସ୍ୟ ପ୍ରାଣ ହରାଇଥିଲେ । ୩ ଜଣଙ୍କ ଘଟଣାସ୍ଥଳରେ ମୃତ୍ୟୁ ଘଟିଥିବା ବେଳେ ଅନ୍ୟ ୩ ଜଣ ମେଡିକାଲରେ ଆଖି ବୁଜିଥିଲେ । ପୋଲିସ ସମସ୍ତ ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ