ମୁମ୍ବାଇ:କପଡ଼ା ରଙ୍ଗ ଲଗାଇବା ଗୋଦାମ ଘରେ ଥିବା ରାସାୟନିକ ଡ୍ରମରେ ନିଆଁ ଲାଗିବିସ୍ଫୋରଣ । ବିସ୍ଫୋରଣରେ ୨ ମୃତ । ରାସାୟନିକ ଡ୍ରମରେ ବିଡ଼ି ପଡ଼ିଯିବାରୁ ଏପରିି ଅଘଟଣ ଘଟିଛି । ମହାରାଷ୍ଟ୍ର ଭିୱଣ୍ଡିର ଘରାଟ କମ୍ପାଉଣ୍ଡର ଏକ କବାଡି କାରଖାନାରେ । ମୃତକଦ୍ବୟ ହେଲେ ରାମଜାନ କୁରେଶି (46) ଏବଂ ଇସ୍ରାଏଲ୍ ଶେଖ (35) । ଏହି ମାମଲାରେ ପୋଲିସ ନିଜାମପୁର ଥାନାରେ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।
ସୂଚନା ଅନୁସାରେ, ଏଠାରେ ଅନେକ ଥର ଅଗ୍ନିକାଣ୍ଡ ଘଟିଛି । ଚଳିତ ବର୍ଷ ଜାନୁଆରୀ ମାସରେ 10ଟି ଅଗ୍ନିକାଣ୍ଡ ଘଟିଥିଲା । ଉଭୟ ମୃତ ଗତକାଲି ସକାଳେ ଏକ ଖୋଲା ଜଙ୍କ୍ ଗୋଦାମ ରାସାୟନିକ ବ୍ୟାଗ ଧୋଇବା କାମ କରୁଥିଲେ । ସେହି ସମୟରେ ବିଡ଼ି ଟାଣିଥିଲେ ଓ ରାସାୟନିକ ଡ୍ରମ୍ ସଫା କରୁଥିଲେ । ଫଳରେ ବିଡ଼ିର ନିଆଁ ଝୁଲ ହଠାତ ରାସାୟନିକ ଡ୍ରମରେ ପଡ଼ିଯାଇଥିଲା । ତେବେ ଏ ବିଷୟରେ ଉଭୟ ଜାଣିପାରିନଥିଲେ । ଫଳରେ କିଛି ସମୟ ମଧ୍ୟରେ ହିଁ ଡ୍ରମଟି ବିସ୍ଫୋରଣ ହୋଇଥିଲା । ବିସ୍ଫୋରଣ ଏତେ ଶକ୍ତିଶାଳୀ ଥିଲା ଯେ ଆଖପାଖ ଅଟ୍ଟାଳିକାର ଗ୍ଲାସ ମଧ୍ୟ ଭାଙ୍ଗି ଯାଇଥିଲା ।
ଖବରପାଇ ଭବାନୀ ଦମକଳବାହିନୀ ଏବଂ ନିଜାମପୁର ପୋଲିସ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ । ସହରରେ ଓ ଗ୍ରାମାଞ୍ଚଳରେ ଲକ୍ଷ ଲକ୍ଷ ଗୋଦାମ ଥିବାବେଳେ ରାସାୟନିକ ଗୋଦାମ ଏବଂ ସ୍କ୍ରାପ୍ ଏବଂ ଅନ୍ୟାନ୍ୟ ସାମଗ୍ରୀ ଗୋଦାମ ସହିତ କିଛି ଗୋଦାମ ନିୟମିତ ଅଗ୍ନିକାଣ୍ଡର ସାକ୍ଷୀ ରହିଛି । ଭିୱଣ୍ଡିରେ ଅଧିକାଂଶ ଅଗ୍ନିକାଣ୍ଡରେ କବାଡି କାରଖାନା ପୋଡିଯିବା ସହ ରାସାୟନିକ ଏବଂ ଯନ୍ତ୍ରପାତି କାରଖାନା ମଧ୍ୟ ବହୁ ସଂଖ୍ୟାରେ ଘଟୁଛି ।