ରାୟପୁର:ଛତିଶଗଡ଼ ଜଗଦଲପୁର ଅଞ୍ଚଳରେ ଅଘଟଣ ( Big accident in Jagdalpur) । ବସ୍ତରରେ ଥିବା ଖଣି ଅଞ୍ଚଳରେ ଖୋଦେଇ ସମୟରେ ଆବର୍ଜନାରେ ଚାପି ହୋଇ ୭ ଜଣ ଗ୍ରାମବାସୀଙ୍କ ମୃତ୍ୟୁ ଘଟିଛି । ଏଥିରେ ୬ ଜଣ ମହିଳା ଥିବା ବେଳେ ଜଣେ ପୁରୁଷ ରହିଥିଲେ । ଏ ନେଇ ସିଏସପି ବିକାଶ କୁମାର ସୂଚନା ଦେଇଛନ୍ତି । ଜେସିବି ସାହାଯ୍ୟରେ ମୃତଦେହକୁ ଉଦ୍ଧାର କରିବା ପାଇଁ ପ୍ରୟାସ ଜାରି ରହିଛି । ଆଉ ୧୫ ଜଣ ଗ୍ରାମବାସୀ ଚାପି ହୋଇ ରହିଥିବା ସୂଚନା ମିଳିଛି ।
ଖୋଦେଇ ବେଳେ ଘଟିଛି ଦୁର୍ଘଟଣା:-
ଜଗଦଲପୁର ବସ୍ତର ବିଭାଗରେ ରହିଛି । ଏହି ଖଣିର ଦୂରତା ଜଗଦଲପୁର ଅତି ନିକଟରେ ରହିଛି । ଚୁଇ ଖଣି ଦୁର୍ଘଟଣାରେ ୭ ଜଣ ଗ୍ରାମବାସୀଙ୍କ ମୃତ୍ୟୁ ଘଟିଛି । ଖଣିରେ ଫସି ରହିଥିବା ଗ୍ରାମବାସୀଙ୍କୁ ସ୍ଥାନାନ୍ତର କରାଯାଉଛି। SDRF ଏବଂ ପୋଲିସ ଟିମ ଘଟଣାସ୍ଥଳରେ ପହଞ୍ଚିଛନ୍ତି । ଯୁଦ୍ଧକାଳୀନ ଭିତ୍ତିରେ ରିଲିଫ ଓ ଉଦ୍ଧାର କାର୍ଯ୍ୟ ଜାରି ରହିଛି ।
ଆବର୍ଜନାରେ ପୋତି ହୋଇଛନ୍ତି ୧୫ରୁ ଅଧିକ ଗ୍ରାମବାସୀ:-
ମିଳିଥିବା ସୂଚନା ଅନୁସାରେ ଏହି ଖଣିରେ ଥିବା ଆବର୍ଜନାରେ ପ୍ରାୟ ୧୫ରୁ ଅଧିକ ଗ୍ରାମବାସୀ ପୋତି ହୋଇ ରହିଥିବାର ଆଶଙ୍କା କରାଯାଉଛି । ଏପର୍ଯ୍ୟନ୍ତ ଦୁଇ ଗ୍ରାମବାସୀଙ୍କୁ ସୁରକ୍ଷିତ ଭାବେ ସ୍ଥାନାନ୍ତର କରାଯାଇଛି । ଚୁଇ ଖଣି ବସ୍ତରର ମାଲଗାଓଁ ଅଞ୍ଚଳରେ ଅବସ୍ଥିତ ।