ହାଇଦ୍ରାବାଦ: ମର୍ମନ୍ତୁଦ ସଡକ ଦୁର୍ଘଟଣାରେ 7 ଜଣ ମୃତ, 4 ଗୁରୁତର । ଏଭଳି ଅଭାବନୀୟ ଘଟଣା ଘଟିଛି ତେଲେଙ୍ଗାନାର ରଙ୍ଗାରେଡ୍ଡୀ ଜିଲ୍ଲାରେ । ଏକ ନଳକୂପ ଖନନ ଗାଡି ସହ କାର ମଧ୍ୟରେ ଦୁର୍ଘଟଣା ଘଟିଛି । ଯେଉଁଥିରେ ଜଣେ ଶିଶୁ ସମେତ 7 ଜଣ ପ୍ରାଣ ହରାଇଛନ୍ତି ।
ସୂଚନା ଅନୁଯାୟୀ ରଙ୍ଗାରେଡ୍ଡୀ ଜିଲ୍ଲାର ଚେଭେଲା ମଣ୍ଡଲ ଅନ୍ତର୍ଗତ ମଲକାପୁର ଗେଟ ନିକଟରେ ଦୁର୍ଘଟଣା ଘଟିଛି । ରାଙ୍ଗାରେଡ୍ଡୀ ଜିଲ୍ଲାର ଟେଡବଣ୍ଡ ଅଞ୍ଚଳର 10 ଜଣ ଏକ କାରରେ ଯାତ୍ରା କରୁଥିବାବେଳେ ହଠାତ ନଳକୂପ ଖନନ ଗାଡି ସହ ଜୋରରେ ପିଟି ହୋଇ ଦୁର୍ଘଟଣା ହୋଇଛି । ଦୁର୍ଘଟଣାରେ ଏତେ ଭୟାନକ ଥିଲା ଯେ ଘଟଣାସ୍ଥଳରେ 7 ଜଣ ମୃତ୍ୟୁବରଣ କରିଛନ୍ତି । ମୃତକମାନେ ହେଲେ ଆସିଫ ଖାନ 50,ସାନିଆ 18,ନିଆଜ ବେଗମ 45,ହର୍ଷ 28,ନଜିଆ ଭାନୁ 36 ଓ 6 ବର୍ଷିୟ ଶିଶୁ ହର୍ଷା ଭାନୁ ରହିଛନ୍ତି । ଅନ୍ୟ ପାଞ୍ଚ ଜଣ ଗୁରୁତର ଆହତ ଭାବରେ ହସପିଟାଲରେ ଭର୍ତ୍ତି କରାଯାଇଛି ।
ବ୍ୟୁରୋ ରିପୋର୍ଟ,ଇଟିଭି ଭାରତ