ମୁମ୍ବାଇ: ମହାରାଷ୍ଟ୍ର ରାଜ୍ୟପାଳଙ୍କ ଉପରେ ବର୍ଷିଲେ ଏନସିପି ମୁଖ୍ୟ ଶରଦ ପାୱାର । ବଲିଉଡ ଅଭିନେତ୍ରୀ କଙ୍ଗନା ରଣାୱତଙ୍କୁ ଭେଟିବାକୁ ରାଜ୍ୟପାଳଙ୍କ ପାଖରେ ସମୟ ରହିଛି, ହେଲେ ଚାଷୀଭାଇଙ୍କୁ ଭେଟିବାକୁ ତାଙ୍କ ପାଖରେ ସମୟ ନାହିଁ ବୋଲି କହି ରାଜ୍ୟପାଳଙ୍କୁ ଟାର୍ଗେଟ କରିଛନ୍ତି ପୂର୍ବତନ କେନ୍ଦ୍ର କୃଷି ମନ୍ତ୍ରୀ ।
ରାଜ୍ୟପାଳ ଭଗତ ସିଂ କୋଶୟାରୀଙ୍କ ନାମ ନନେଇ ପାୱାର ତାଙ୍କୁ ଟାର୍ଗେଟ କରିଛନ୍ତି । ପାୱାର କହିଛନ୍ତି, 'ମୁମ୍ବାଇର ଆଜାଦ ମୈଦାନରେ ଆଜି ରାଲି କରିଥିବା ଚାଷୀଭାଇ ମାନେ ରାଜ୍ୟପାଳଙ୍କୁ ସ୍ମାରକ ପତ୍ର ଦେବାକୁ ରାଜଭବନ ଅଭିମୁଖେ ଯିବାର କାର୍ଯ୍ୟକ୍ରମ ଥିଲା । ହେଲେ ସେ(ରାଜ୍ୟପାଳ) ଗୋଆ ଚାଲିଯାଇଛନ୍ତି । ଆମେ ରାଜ୍ୟ ଇତିହାସରେ ଏପରି ରାଜ୍ୟପାଳ କେବେ ଦେଖିନାହୁଁ ।'