ଭୋପାଲ:ମଧ୍ଯ ପ୍ରଦେଶ ଦତିଆ ଜିଲ୍ଲାରେ ଜଣେ ନାବାଳିକାକୁ ଗଣଦୁଷ୍କର୍ମ ଘଟଣାରେ ସ୍ଥାନୀୟ ଜଣେ ବିଜେପି ନେତାଙ୍କ ନାବାଳକ ପୁଅ ସମେତ 4 ଜଣଙ୍କୁ ଗିରଫ କରିଛି ପୋଲିସ । ଶୁକ୍ରବାର ଅପରାହ୍ନରେ ଏହି ଘଟଣା ଘଟିଥିବା ସୂଚନା ମିଳିଛି । ସ୍ଥାନୀୟ ଜଣେ ନାବାଳିକାଙ୍କୁ ଅପହରଣ ପରେ ଗଣଦୁଷ୍କର୍ମ ହୋଇଥିବା ନେଇ ଅଭିଯୋଗ ହୋଇଥିଲା । ବର୍ତ୍ତମାନ ସୁଦ୍ଧା ପୋଲିସ ଜଣେ ଯୁବକଙ୍କୁ ଗିରଫ କରିବା ସହ 2 ନାବାଳକଙ୍କୁ ଥାନାରେ ଅଟକ ରଖି ଜେରା କରୁଛି । ଏହି ଘଟଣାରେ ମୋଟ 4ଜଣଙ୍କ ସମ୍ପୃକ୍ତି ଥିବା ବଳେ 3 ଜଣ ଏବେ ପୋଲିସ କବଜାକୁ ଆସିଛନ୍ତି । ଅନ୍ୟ ଜଣେ ଅଭିଯୁକ୍ତ ଏବେ ଫେରାର ହୋଇଯାଇଛି । ତାକୁ ଚିହ୍ନଟ କରାଯାଇ ସାରିଛି । ତାକୁ ଗିରଫ କରିବା ପାଇଁ ପ୍ରୟାସ ଜାରି ରହିଥିବା ସ୍ଥାନୀୟ ପୋଲିସ ସୂଚନା ଦେଇଛି ।
ତେବେ ସ୍ଥାନୀୟ ଥାନାଧିକାରୀ ୟାଦଭେନ୍ଦ୍ର ସିଂ ଗୁର୍ଜରଙ୍କ ସୂଚନା ଅନୁସାରେ, ପୀଡିତା ଓ ତାଙ୍କ ପରିବାର ସଦସ୍ୟଙ୍କ ଲିଖିତ ଅଭିଯୋଗ ପରେ ପୋଲିସ ଯେଉଁ 3 ଅଭିଯୁକ୍ତଙ୍କୁ ଗିରଫ କରିଛି, ସେଥିରେ ଜଣେ ଯୁବକ ଓ ଦୁଇଜଣ ନାବାଳକ ରହିଛନ୍ତି । 2 ନାବାଳକଙ୍କ ମଧ୍ୟରେ ସ୍ଥାନୀୟ ଜଣେ ବିଜେପି ନେତାଙ୍କ ପୁଅ ମଧ୍ୟ ରହିଛି । ଅନ୍ୟ ଜଣେ ଫେରାର ଅଭିଯୁକ୍ତକୁ ଧରିବା ପାଇଁ ପ୍ରୟାସ ଜାରି ରହିଛି । ସମସ୍ତଙ୍କୁ ଜେରା ଜାରି ରହିଛି । ପ୍ରାଥମିକ ଜେରା ପରେ ମେଡିକାଲ ପରୀକ୍ଷା ପାଇଁ ପଠାଯିବ ଓ ପରେ କୋର୍ଟ ଫରଓ୍ବାର୍ଡ କରାଯିବ । ସେହିପରି ପୀଡିତାଙ୍କ ବୟାନ ମଧ୍ୟ ରେକର୍ଡ କରାଯାଇଛି , ତାଙ୍କ ଡାକ୍ତରୀମାଇନା ମଧ୍ୟ ଶେଷ ହୋଇଥିବା ଥାନାଧିକାରୀ କହିଛନ୍ତି ।
ଏହା ମଧ୍ୟ ପଢନ୍ତୁ:-ସୀମା ଟପିଲା ବର୍ବରତା, 3 ଯୁବକଙ୍କୁ ବାନ୍ଧି ନିସ୍ତୁକ ପିଟିଲେ ଗ୍ରାମବାସୀ