ଭୋପାଳ:ଖୋଲି ସାରିଛି ଇଭିଏମ । ମଧ୍ୟପ୍ରଦେଶ ସମେତ 4 ରାଜ୍ୟରେ ଭୋଟ ଗଣତି ଆରମ୍ଭ ହୋଇଛି । ସମୟ ଗଡୁଛି ଉତ୍କଣ୍ଠା ବଢୁଛି । କେଉଁ ରାଜ୍ୟରେ କିଏ ଗଢିବ ସରକାର । ଏକଜିଟ ପୋଲ ସତ ହେବ ନା ଧାରା ବଦଳିବ । ଏହାକୁ ନେଇ କଳ୍ପନା ଜଳ୍ପନା ଲାଗି ରହିଛି । ମଧ୍ୟପ୍ରଦେଶରେ 230 ଆସନରେ ଭୋଟ ଗଣତି ଜାରି ରହିଛି । 130 ଆସନ ଆମର ଏଥର ଶିବରାଜ ସିଂହ ଚୌହାନଙ୍କ ବିଦା ନିଶ୍ଚିନ୍ତ ତାଙ୍କର ଭଲ ଦିନ ସରିବାକୁ ଯାଉଛି । ନିର୍ବାଚନ ଫଳାଫଳକୁ ନେଇ କଂଗ୍ରେସ ନେତା ଦିଗବିଜୟ ସିଂହ ଏହା କହିଛନ୍ତି ।
ଏଥର ଫଳାଫଳ କଣ ହେବ ପ୍ରଶ୍ନର ଉତ୍ତରରେ କଂଗ୍ରେସ ନେତା ଦିଗବିଜୟ ସିଂହ କହିଛନ୍ତି, ଆଗରୁ କହିଥିଲି ଏବେ ବି କହୁଛି 130ରୁ ଅଧିକ ଆସନରେ ଆମ ଜିତିବୁ । ବାକି ଯାହା ହେବ ଦେଖାଯିବ । ଶିବରାଜ ସିଂହ ଚୌହାନଙ୍କର କେବଳ ବିଦା ନିଶ୍ଚିନ୍ତ ନୁହେଁ ତାଙ୍କ ଭଲ ଦିନ ସରିବାକୁ ଯାଉଛି । ଜଙ୍ଗଲରାଜରେ ଯେଉଁଭଳି ମିଛ କୁହାଯାଇଛି ଆଦିବାସୀଙ୍କ ସହ ପ୍ରତାରଣା କରାଯାଇଛି । ଗରିବଙ୍କ ସହିତ ଧୋକା ହୋଇଛି ତାହାକୁ ନେଇ କଣ କୁହାଯିବ ।''
ଭୋଟ ଗଣତି ପୂର୍ବରୁ ସମସ୍ତ ପ୍ରାର୍ଥୀଙ୍କୁ ଟ୍ବିଟ କରି ଶୁଭେଚ୍ଛା ଜଣାଇଥିଲେ ଦିଗବିଜୟ ସିଂହ । ଏକ୍ସରେ କହିଥିଲେ, ''ଆଜି ଆମ ମଧ୍ୟପ୍ରଦେଶ ବିଜେପିର ଜଙ୍ଗଲରାଜରୁ ମୁକ୍ତ ହେବାକୁ ଯାଉଛି । ମଧ୍ୟପ୍ରଦେଶର ଜନତା ଏବଂ କଂଗ୍ରେସ ପାର୍ଟିର ଜଣେ ଜଣେ କର୍ମୀ ସୁନ୍ଦର ସୁସ୍ଥ ମଧ୍ୟପ୍ରଦେଶ ବନାଇବାକୁ ପରିବର୍ତ୍ତନ ଆଣିବାକୁ ମୋହର ମାରିଛନ୍ତି । କଂଗ୍ରେସ ସମସ୍ତ କର୍ମକର୍ତ୍ତାଙ୍କୁ ଆଗ୍ରହ କରୁଛି କି ଆଜି ମତଗଣନା ଉପରେ ନଜର ରଖ । ନିରପେକ୍ଷ ଗଣନା ସୁନିଶ୍ଚିନ୍ତ କରି ଲୋକତନ୍ତ୍ରର ମହାପର୍ବକୁ ସଫଳ କରନ୍ତୁ ।