କୋଲକାତା: ବଙ୍ଗ ନିର୍ବାଚନରେ ବାଜି ମାରିଛି ତୃଣମୂଳ କଂଗ୍ରେସ । କ୍ରମାଗତ ତୃତୀୟ ଥର ପାଇଁ ହ୍ୟାଟ୍ରିକ ବିଜୟ ହାସଲ କରିଛି ଟିଏମସି । ପ୍ରଚଣ୍ଡ ବହୁମତ ସହିତ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ନେତୃତ୍ବରେ ସରକାର ଗଠନ କରିବ ଦଳ । ତେବେ ବିଜୟ ପରେ ସରକାର ଗଠନର ଦାବି ପାଇଁ ଆଉ କିଛି ସମୟ ପରେ ରାଜ୍ୟପାଳ ଜଗଦୀପ ଧନକରଙ୍କୁ ଭେଟିବେ ମମତା ବାନାର୍ଜୀ ।
ମୁଖ୍ୟମନ୍ତ୍ରୀ ମମତା ବାନାର୍ଜୀ ସୋମବାର ସଂଧ୍ୟା 7ଟାରେ ରାଜ୍ୟପାଳ ଜଗଦୀପ ଧନକରଙ୍କୁ ଭେଟି ସରକାର ଗଠନର ଦାବି ଜଣାଇବେ । ଏନେଇ ରାଜଭବନ ସୂତ୍ରରୁ ସୂଚନା ମିଳିଛି ।