ଲକ୍ଷ୍ନୌ: ଲଗାଣ ବର୍ଷା ଯୋଗୁଁ ଉବୁଟୁବୁ ହେଉଛି ଉତ୍ତରପ୍ରଦେଶ । ରାଜଧାନୀ ଲକ୍ଷ୍ନୌ ସମେତ ରାଜ୍ୟର ଅନେକ ଜିଲ୍ଲାରେ ଜଳପ୍ରଳୟ ଦେଖିବାକୁ ମିଳିଛି । ପ୍ରବଳ ବର୍ଷା ହେତୁ ଉତ୍ତରପ୍ରଦେଶର ବିଭିନ୍ନ ଜିଲ୍ଲାରେ ୧୨ରୁ ଅଧିକ ଲୋକଙ୍କ ମୃତ୍ୟୁ ନେଇ ସାମ୍ନାକୁ ଆସିଛି ଖବର । ଅନେକ ଘର ଭୁଷୁଥିବା ମଧ୍ୟ ସୂଚନା ମିଳିଛି ।
ସମସ୍ତ ମୃତକଙ୍କ ପରିବାରକୁ ୪ ଲକ୍ଷ ଲେଖାଏଁ ଅନୁକମ୍ପା ଅର୍ଥ ପ୍ରଶାସନ ପକ୍ଷରୁ ଘୋଷଣା କରାଯାଇଛି । ଉତ୍ତରପ୍ରଦେଶର ରାଜଧାନୀ ଲକ୍ଷ୍ନୌରେ ସକାଳୁ ପ୍ରବଳ ବର୍ଷା ଲାଗିରହିଛି । ରାଜଧାନୀର ଅନେକ ଅଞ୍ଚଳରେ ପାଣି ପଶିଯାଇଛି । ବିମାନ ବନ୍ଦରକୁ ଯାଉଥିବା ରାସ୍ତାରେ ଜଳାର୍ଣ୍ଣବ ରହିଛି । ଏହି କାରଣରୁ ତିନୋଟି ବିମାନର ଗତିପଥ ବଦଳାଇବାକୁ ପଡିଛି । ଆବଶ୍ୟକ ନଥିଲେ ଘରୁନବାହାରିବା ପାଇଁ ଆଲର୍ଟ ଜାରି କରିଛନ୍ତି ଜିଲ୍ଲାପାଳ ।