ଲକ୍ଷ୍ନୌ : ପ୍ରେମରେ ବିଫଳ ହୋଇ ଯୁବକଙ୍କ ଆତ୍ମହତ୍ୟା ଉଦ୍ୟମ । ଫେସବୁକରେ ଲାଇଭ ଆସି ବେକ କାଟିଲେ ପ୍ରେମିକ । ଏଭଳି ଦୃଶ୍ଯ ଦେଖିବାକୁ ମିଳିଛି ଉତ୍ତରପ୍ରଦେଶର ମହାରାଜଗଞ୍ଜ ଅଞ୍ଚଳ ପୁରଙ୍ଗଦରପୁର ଥାନା ଅଞ୍ଚଳରେ । ତେବେ ଯୁବକଙ୍କ ଆତ୍ମହତ୍ୟା ଉଦ୍ୟମର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ସୂଚନାନୁସାରେ ପୁରଙ୍ଗଦରପୁର ଥାନା ଅଞ୍ଚଳସ୍ଥିତ ସୋଲେସ ନାମକ ଜଣେ ଯୁବକ ଦୀର୍ଘ ବର୍ଷ ହେବ ସେହି ଅଞ୍ଚଳର ଜଣେ ଯୁବତୀଙ୍କୁ ପ୍ରେମ କରୁଥିଲେ । ଉଭୟଙ୍କ ଭିତରେ ପ୍ରେମ ସମ୍ପର୍କ ମଧ୍ୟ ନିବିଡ଼ ଥିଲା । ଏପରିକି ଉଭୟ ସାରା ଜୀବନ ଏକାଠି ହୋଇ ରହିବେ ବୋଲି କଥା ମଧ୍ୟ ଦେଇଥିଲେ । ହେଲେ ଯୁବତୀ ଜଣଙ୍କ ତାଙ୍କ ସହ ପ୍ରତାରଣା କରିଥିଲେ । ଏନେଇ ସୋଲେସ ଭାଙ୍ଗି ପଡ଼ିଥିଲେ । ନିଜ ସମ୍ପର୍କକୁ ବଞ୍ଚାଇବା ପାଇଁ ସୋଲେସ ବାରମ୍ବାର ଯୁବତୀଙ୍କୁ ନିବେଦନ କରିଥିଲେ । ହେଲେ ଯୁବତୀ ଜଣକ ତାଙ୍କ ପ୍ରେମକୁ ଖାତିର କରିନଥିଲେ । ଘର ଲୋକଙ୍କ କଥାରେ ସେ ରାଜି ହୋଇ ବାହା ହେବେ ବୋଲି କହିଥିଲେ ।