ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ ବଢିଲା ଲକଡାଉନ ଅବଧି । ଜୁନ 7 ତାରିଖ ସକାଳ 5 ଯାଏ ଲକଡାଉନ ବଳବତ୍ତର ରଖିବା ପାଇଁ ନିର୍ଦ୍ଦେଶ ଦେଇଛନ୍ତି ଦିଲ୍ଲୀ ସରକାର । ଏନେଇ ଦିଲ୍ଲୀ ସରକାରଙ୍କ ପକ୍ଷରୁ ଆଦେଶ ଜାରି କରିଦିଆଯାଇଛି । ଏହି ଲକଡାଉନ ସମୟରେ ଜରୁରୀ ସେବା, ଉତ୍ପାଦନ ସେବା ସମେତ ମାଲ ପରିବହନ ପୂର୍ବଭଳି ଜାରି ରହିବା ନେଇ ନିର୍ଦ୍ଦେଶରେ ଦର୍ଶାଯାଇଛି ।
ଦିଲ୍ଲୀରେ ସ୍ଥିତି ସାମାନ୍ୟ ସୁଧାର ଆସୁଥିବା ବେଳେ ଅନଲକ ପ୍ରକ୍ରିୟା ଆରମ୍ଭ ହେବା ନେଇ ମଧ୍ୟ ସରକାର ବିଚାରବିମର୍ଶ ଆରମ୍ଭ କରିଦେଇଥିଲେ। ତେବେ ଖୁବ ଶୀଘ୍ର ଅନଲକ ପ୍ରକ୍ରିୟା ଆରମ୍ଭ ହେବା ନେଇ ମଧ୍ୟ ଆଶା କରାଯାଉଥିଲା । କିନ୍ତୁ ସ୍ଥିତିକୁ ଦେଖି ଲକଡାଉନ ଅବଧିକୁ ବୃଦ୍ଧି କରିଛନ୍ତି ଦିଲ୍ଲୀ ସରକାର ।