ନୂଆଦିଲ୍ଲୀ: ମାଡିଚାଲିଛି ମହାମାରୀ କୋରୋନା । ବଢୁଛି ସଂକ୍ରମଣ । ଅଣେଦେଖା ସ୍ବାଭବ ଯୋଗୁଁ ସୁରକ୍ଷା ବଳରେ ରହୁଥିବା ରାଜନେତା ବି କୋରୋନା ଦାଉରୁ ରକ୍ଷା ପାଇପାରୁନାହାନ୍ତି । କୋରୋନାର ଦ୍ବିତୀୟ ଲହର ପ୍ରକୋପ ଏବେ ଭୟାବହ ରୂପ ନେଇଥିବାବେଳେ ଅନେକ ବଡ ବଡ ନେତା ଆକ୍ରାନ୍ତ ହୋଇସାରିଲେଣି ।
14 ଏପ୍ରିଲରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ମହାମାରୀ କୋରୋନାରେ ହୋଇଥିଲେ ଆକ୍ରାନ୍ତ । କୋରୋନା ପଜିଟିଭ ଚିହ୍ନଟ ହେବାର ଗୋଟିଏ ସପ୍ତାହ ପୂର୍ବରୁ ପଶ୍ଚିମବଙ୍ଗ ବିଧାନସଭା ନିର୍ବାଚନ ଅବସରରେ ବିଭିନ୍ନ ରାଲିରେ ଯୋଗ ଦେଇଥିଲେ ଯୋଗୀ ।
8 ଏପ୍ରିଲରେ କେରେଳ ମୁଖ୍ୟମନ୍ତ୍ରୀ ପିନାରାୟ ବିଜୟନ କୋରୋନା ପଜିଟିଭ ଚିହ୍ନଟ ହୋଇଥିଲେ । କେରଳ ବିଧାନସଭା ନିର୍ବାଚନ ପାଇଁ ହୋଇଥିବା ମତଦାନର 2 ଦିନ ପରେ କୋରୋନାରେ ଆକ୍ରାନ୍ତ ହୋଇଥିଲେ ବିଜୟନ ।
8 ଏପ୍ରିଲରେ କେରଳର ପୂର୍ବତନ ମୁଖ୍ୟମନ୍ତ୍ରୀ ତଥା କଂଗ୍ରେସ ନେତା ଓମାନ ଚାନ୍ଦି ମଧ୍ୟ କୋରୋନାରେ ଆକ୍ରାନ୍ତ ହୋଇଥିଲେ ।