ପାଟନା:ଚାକିରି ପାଇଁ ଜମି ଦୁର୍ନୀତି ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ ଗତକାଲି RJD ନେତା ଲାଲୁ ଯାଦବଙ୍କ ପୁଅ-ଝିଅ ଓ ସମ୍ପର୍କୀୟଙ୍କ ଘରେ ଚଢାଉ କରିଥିଲା । ୧୫ ଘଣ୍ଟାରୁ ଅଧିକ ସମୟରେ ଧରି ଚଢାଉ ଚାଲିଥିଲା । ଏହାକୁ ନେଇ ବିହାର ରାଜନୀତି ସରଗରମ ରହିଥିବାବେଳେ ଲାଲୁ ବିଜେପି ଓ କେନ୍ଦ୍ରୀୟ ତଦନ୍ତକାରୀ ସଂସ୍ଥା ଉପରେ ପ୍ରବଳ ବର୍ଷିଛନ୍ତି । ଆରଜେଡି ନେତା ଟ୍ବିଟ୍ କରିଛନ୍ତି, ପ୍ରତିଶୋଧ ପରାୟଣ ହୋଇ ଭିତ୍ତିହୀନ ମାମଲାରେ ଆଜି ମୋ ଝିଅ, କୁନି କୁନି ନାତି ଏବଂ ଗର୍ଭବତୀ ବୋହୂକୁ ଇଡି ୧୫ ଘଣ୍ଟା କାଳ ବସାଇ ରଖିଛି । କ’ଣ ଏତେ ନିମ୍ନସ୍ତରକୁ ଖସି ବିଜେପି ମୋ ସହ ରାଜନୈତିକ ଲଢେଇ ଲଢିବ ?
ବିଜେପିକୁ ଟାର୍ଗେଟ କଲେ RJD ନେତା: ଲାଲୁ ଯାଦବ ଆହୁରି ମଧ୍ୟ ଲେଖିଛନ୍ତି ଯେ, ମୁଁ ଜରୁରୀ ସ୍ଥିତି ଭଳି କଳା ସମୟ ଦେଖିଛି । ସେ ଲଢେଇ ବି ଲଢିଛି । ସଂଘ ଓ ବିଜେପି ବିରୁଦ୍ଧରେ ବିଚାରଗତ ଲଢେଇ ଲଢି ଆସିଛି । ସେମାନଙ୍କ ସାମ୍ନାରେ କେବେ ବି ମୁଁ ମୁଣ୍ଡ ନୁଆଁଇନି କି ମୋ ପରିବାରର ଓ ପାର୍ଟିର କୌଣସି ବ୍ୟକ୍ତି ମଧ୍ୟ ନତମସ୍ତକ ହେବେ ନାହିଁ ।