ନୂଆଦିଲ୍ଲୀ: ଆଜି(ଗୁରୁବାର) ଲଦାଖ ଗସ୍ତ କରିଛନ୍ତି ପ୍ରତିରକ୍ଷାମନ୍ତ୍ରୀ ରାଜନାଥ ସିଂ । ଦେଶର ସୁରକ୍ଷା ପାଇଁ ଅନେକ ନିଜ ଜୀବନକୁ ବଳିଦାନ ଦେଇଛନ୍ତି । ସେମାନଙ୍କ ସେବାକୁ ସମ୍ମାନ ଦେବାକୁ ତାଙ୍କୁ ମନେ ରଖିବାକୁ ଅନେକ ସ୍ମାନରେ ସ୍ମାରକୀ କରାଯାଇଛି । ଆଜି ଲଦାଖର ରେଜଙ୍ଗ ଲା(Rezang La)ରେ ନିର୍ମାଣ ହୋଇଥିବା ଏକ ନୂଆ ସ୍ମାରକୀର ଉଦଘାଟନ କରିବେ ପ୍ରତିରକ୍ଷାମନ୍ତ୍ରୀ ରାଜନାଥ ସିଂ । ୧୯୬୨ ଯୁଦ୍ଧରେ କୁମାଓନ ରେଜିମେଣ୍ଟର ୧୩ଜଣ ଯବାନ ସହୀଦ ହୋଇଥିଲେ । ସେମାନଙ୍କୁ ବଳିଦାନକୁ ସମ୍ମାନ ଦେବା ପାଇଁ ଏହି ସ୍ମାରକୀ ନିର୍ମାଣ ହୋଇଛି ।
ରେଜଙ୍ଗ ଲା ଯୁଦ୍ଧର ୫୯ତମ ପୂର୍ତ୍ତି ଅବସରରେ ଏହି ସ୍ମାରକୀର ଉଦଘାଟନ କରାଯିବ । ପୂର୍ବ ଲଦାଖର ରେଜଙ୍ଗ ଲାରେ ଛୋଟ ଥିବା ଏହି ଯୁଦ୍ଧ ସ୍ମାରକୀ ବର୍ତ୍ତମାନ ଏକ ବୃହତ୍ ହେବାକୁ ଯାଉଛି । କେନ୍ଦ୍ର ଶାସିତ ଅଞ୍ଚଳ ଲଦାଖର ପର୍ଯ୍ୟଟନ ମାନଚିତ୍ରରେ ଏହା ସ୍ଥାନ ପାଇବ ବୋଲି ଭାରତୀୟ ସେନା କାର୍ଯ୍ୟାଳୟ ପକ୍ଷରୁ ସୂଚନା ମିଳିଛି ।