କୋଲକାତା: ପଶ୍ଚିମବଙ୍ଗ ନିର୍ବାଚନକୁ ନେଇ ତୁଟୁନି ବିବାଦ । ନିର୍ବାଚନରେ ବିବାଦୀୟ ଭାଷଣକୁ ନେଇ ଆଜି ଥାନାରେ ହାଜର ହେବାକୁ ଅଭିନେତା ତଥା ବିଜେପି ନେତା ମିଥୁନ ଚକ୍ରବର୍ତ୍ତୀଙ୍କୁ ନିର୍ଦ୍ଦେଶ ଦେଇଛନ୍ତି କୋଲକାତା ପୋଲିସ । ନିର୍ବାଚନ ରାଲିରେ 'marbo ekhane lash porbe shoshane'(ଏଇଠି ମାରିବି ଶ୍ମଶାନରେ ଶବ ପଡିବ) ଓek chobole chabi( ସାପର ଗୋଟିଏ କାମୁଡାରେ ତୁମେ ଫଟୋ ହୋଇଯିବ)ଡାଇଲଗ ମାରିଥିଲେ ଯାହା ତାଙ୍କୁ ବିବାଦୀୟ କରିଥିଲା ।
71ବର୍ଷୀୟ ଅଭିନେତା ଯିଏକି ବିଜେପିର ତାରକା ପ୍ରଚାରକ ଭାବେ ଏପ୍ରିଲ ଓ ମେରେ ହୋଇଥିବା ନିର୍ବାଚନରେ ପ୍ରଚାର କରିଥିଲେ । ମିଥୁନଙ୍କ ଦ୍ବାରା କରାଯାଇଥିବା ପ୍ରଚାର ନେଇ ତାଙ୍କ ବିରୋଧରେ ମାମଲା ରୁଜ୍ଜୁ ହୋଇଛି । ପୋଲିସ ଅଭିଯୋଗ କରିଛି ଯେ ତାଙ୍କ ଭାଷଣ ବଙ୍ଗଳାରେ ହୋଇଥିବା ନିର୍ବାଚନ ପରବର୍ତ୍ତୀ ହିଂସାରେ ଏକ ଭୂମିକା ଗ୍ରହଣ କରିଛି । ଯାହିକୁ ନେଇ ସେ ବିବାଦ ଭିତରକୁ ଟାଣି ହେଇଛନ୍ତି । ଏନେଇ ଜୁନ 16ରେ ଭର୍ଚୁଆଲ ଜରିଆରେ ମିଥୁନଙ୍କୁ ପଚରାଉଚରା କରିଥିଲା କୋଲକାତା ପୋଲିସ । ପ୍ରଚାର ସମୟରେ ଉତ୍ତେଜନା ସୃଷ୍ଟିକାରୀ ଭାଷଣ ପାଇଁ ମିଥୁନଙ୍କ ନାଁରେ ମାଣିକତାଲାରେ ଏକ ମାମଲା ରୁଜ୍ଜୁ ହୋଇଛି ।