ପାଟନା:ଆଜି ବିହାର ଗସ୍ତ କରିଛନ୍ତି ତେଲେଙ୍ଗାନା ମୁଖ୍ୟମନ୍ତ୍ରୀ ତଥା ଟିଆରଏସ ମୁଖ୍ୟ କେ.ଚନ୍ଦ୍ର ଶେଖର ରାଓ (CM Nitish Kumar meet kcr)। କେସିଆର ପାଟନାରେ ପହଞ୍ଚିବା ପରେ ତାଙ୍କୁ ମୁଖ୍ୟମନ୍ତ୍ରୀ ନୀତିଶ କୁମାର ସ୍ବାଗତ ମଧ୍ୟ କରିଛନ୍ତି । ଏହି ସ୍ବାଗତ କାର୍ଯ୍ୟକ୍ରମରେ ଉପ ମୁଖ୍ୟମନ୍ତ୍ରୀ ତଥା ଆରଜେଡି ନେତା ତେଜସ୍ବୀ ଯାଦବ ମଧ୍ୟ ଉପସ୍ଥିତ ଥିଲେ । 3 ନେତାଙ୍କ କିଛି ସମୟ ବୈଠକ ମଧ୍ୟ ହୋଇଛି । ପରେ କେସିଆର ବିହାର ସେକ୍ରିେଟିଏଟ ମଧ୍ୟ ଗସ୍ତ କରିବାର କାର୍ଯ୍ୟକ୍ରମ ରହିଛି । ସେଠାରେ ସେ ଅଗ୍ନିକାଣ୍ଡ ବିପ୍ପନ୍ନଙ୍କ ସମ୍ପର୍କୀୟଙ୍କୁ ଆର୍ଥିକ ସହାୟତା ସ୍ବରୂପ ଚେକ ପ୍ରଦାନ କରିବେ । ପରେ ସେ ଗଲଓ୍ବାନ ଉପତ୍ୟାକାରେ ଶହୀଦ ହୋଇଥିବା 5 ଜଣ ଯବାନଙ୍କ ସମ୍ପର୍କୀୟଙ୍କୁ ମଧ୍ୟ ଆର୍ଥିକ ସହୟତା ପ୍ରଦାନ କରିବାର କାର୍ଯ୍ୟକ୍ରମ ରହିଛି ।
କାର୍ଯ୍ୟକ୍ରମ ପୂର୍ବରୁ ସେ ମୁଖ୍ୟମନ୍ତ୍ରୀ ନୀତିଶ କୁମାରଙ୍କ ବାସଭବନରେ ମଧ୍ୟାହ୍ନ ଭୋଜନ ମଧ୍ୟ କରିଥିଲେ (KCR in bihar) । ସେଥିରେ ଉପ ମୁଖ୍ୟମନ୍ତ୍ରୀ ତେଜସ୍ବୀ ଯାଦବ ମଧ୍ୟ ସାମିଲ ହୋଇଥିଲେ । ପରେ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରେ 3 ନେତାଙ୍କ ମଧ୍ୟରେ ଆଲୋଚନା ହେବ । ତେବେ ପ୍ରଥମରୁ ବିଜେପି ଓ ମୋଦି ବିରୋଧୀ ଆଭିମୁଖ୍ୟ ରଖି ଆସିଥିବା କେସିଆର, ନୀତିଶଙ୍କ ମେଣ୍ଟ ପରିବର୍ତ୍ତନ ପରେ ହଠାତ କାହିଁକି ବିହାର ଗସ୍ତ କଲେ ତାକୁ ନେଇ ମଧ୍ୟ ଆଲୋଚନା ଆରମ୍ଭ ହୋଇଛି ।
2024 ସାଧାରଣ ନିର୍ବାଚନ ପାଖଉଥିବା ବେଳେ ଏବେ ମିଳିତ ବିରୋଧୀ ମେଣ୍ଟ ଗଠନର ସମ୍ଭାବନା ମଧ୍ୟ କ୍ରମଶଃ ବଢିବାରେ ଲାଗିଛି । ନିକଟରେ ବିଜେପି ନେତୃତ୍ବାଧୀନ ନ.ଏନ.ଡିଏ ମେଣ୍ଟ ସହଯୋଗରେ ବିହାରର ଗାଦି ସମ୍ଭାଳିଥିବା ଆରଜେଡି ସୁପ୍ରିମୋ ନୀତିଶ କୁମାର ହଠାତ ବିଜେପିକୁ ବାଏ ବାଏ କରି ନାଟକୀୟ ଢଙ୍ଗରେ ମହାମେଣ୍ଟ ସହଯୋଗରେ ପୁଣି ମୁଖ୍ୟମନ୍ତ୍ରୀ ହୋଇଥିଲ । ନୀତିଶଙ୍କ ଗୋଟି ଚାଳନାରେ ବିଜେପି ବିରୋଧୀ ଦଳ ସ୍ଥାନକୁ ଯିବାକୁ ବାଧ୍ୟ ହୋଇଛି ।