ହାଇଦ୍ରାବାଦ:ହସ୍ପିଟାଲରେ ଭର୍ତ୍ତି ହେଲେ ତେଲେଙ୍ଗାନା ମୁଖ୍ୟମନ୍ତ୍ରୀ ତଥା ଭାରତ ରାଷ୍ଟ୍ର ସମିତି ମୁଖ୍ୟ କେସିଆର । ତାଙ୍କ ସ୍ବାସ୍ଥ୍ୟାବସ୍ଥାରେ ସମସ୍ୟା ଦେଖାଯିବା ପରେ ତାଙ୍କୁ ହାଇଦ୍ରାବାଦ ସ୍ଥିତ ଏଆଇଜି ହସ୍ପିଟାଲରେ ଭର୍ତ୍ତି କରାଯାଇଛି । ହସ୍ପିଟାଲର ମୁଖ୍ୟ ତଥା କାର୍ଯ୍ୟରତ ଡାକ୍ତର ଡ.ନାଗେଶ୍ବର ରେଡ୍ଡୀ କେସିଆରଙ୍କ ସ୍ବାସ୍ଥ୍ୟ ପରୀକ୍ଷା କରିଛନ୍ତି । ତାଙ୍କର ପାକସ୍ତଳୀରେ କିଛି ସମସ୍ୟା ଦେଖାଯାଇଥିବା ଜଣାପଡିଛି । ସେପରି କିଛି ଜଟିଳତା ନାହିଁ ଓ ସେ ଏବେ ଡାକ୍ତରୀ ଟିମ୍ର ନିରୀକ୍ଷଣରେ ରହିଥିବା ସୂଚନା ମିଳିଛି ।
ତେବେ କେସିଆରଙ୍କ ସ୍ବାସ୍ଥ୍ୟାବସ୍ଥା ସମ୍ପର୍କରେ ହସ୍ପିଟାଲ କର୍ତ୍ତୃପକ୍ଷ ମଧ୍ୟ ଏକ ବିଜ୍ଞପ୍ତି ଜାରି କରି ସୂଚନା ଦେଇଛନ୍ତି । ‘‘ସେ ଏବେ ବରିଷ୍ଠ ଡାକ୍ତର ତଥା ହସ୍ପିଟାଲର ମୁଖ୍ୟ ଡା.ନାଗେଶ୍ବର ରେଡ୍ଡୀଙ୍କ ପ୍ରତ୍ୟେକ୍ଷ ତତ୍ତ୍ୱାବଧାନରେ ନିରୀକ୍ଷଣରେ ଅଛନ୍ତି । ତାଙ୍କଠାରେ ସେପରି କିଛି ଜଟିଳତା ପ୍ରକାଶ ପାଇନାହିଁ । ତାଙ୍କ ପାକସ୍ତଳୀରେ କିଛି ସମସ୍ୟା ଦେଖାଯିବା କାରଣରୁ ସେ ଅସୁସ୍ଥତା ଅନୁଭବ କରିଥିଲେ । ସେ ହସ୍ପିଟାଲରେ ପହଞ୍ଚିବା ପରେ ପ୍ରଥମେ ତାଙ୍କର ସି.ଟି ଏବଂ ଏଣ୍ଡୋସ୍କୋପି କରାଯାଇଥିଲା । ଏବେ ସେ ଡାକ୍ତରୀ ନୀରିକ୍ଷଣରେ ଅଛନ୍ତି । ତାଙ୍କର ଅନ୍ୟ ସମସ୍ତ ଶାରିରୀକ ଗତିବିଧି ସ୍ବାଭାବିକ ରହିଛି ।’’