ଶ୍ରୀନଗର:କାଶ୍ମୀରରେ ପୋଲିସ ଅଧିକାରୀଙ୍କ ପରିବାରକୁ ଟାର୍ଗେଟ କରିଛନ୍ତି ଆତଙ୍କବାଦୀ । ବୁଧଗାମ ଜିଲ୍ଲାରେ ହୋଇଥିବା ଏହି ଆକ୍ରମଣରେ ସ୍ଥାନୀୟ ଜଣେ SPO ପାହ୍ୟାର ପୋଲିସ ଅଧିକାରୀ ଓ ତାଙ୍କ ଭାଇଙ୍କ ମୃତ୍ୟୁ ଘଟିଛି । ମୃତ ପୋଲିସ ଅଧିକାରୀଙ୍କ ନାମ ଇସ୍ପାକ ଅହମ୍ମଦ ଓ ତାଙ୍କ ଭାଇଙ୍କ ନାମ ଉମର ଜାନ ବୋଲି ଜଣାପଡିଛି । ଉମାର ଜଣେ ଛାତ୍ର ଥିଲେ ।
ମିଳିଥିବା ସୂଚନା ଅନୁସାରେ, ଗତକାଲି ରାତି ପ୍ରାୟ ୮ରେ ଏହି କାଣ୍ଡ ଭିଆଇଛନ୍ତି ଆତଙ୍କୀ । ଘରେ ପଶି ଉଭୟଙ୍କ ଉପରେ ଗୁଳିମାଡ କରି ଘଟଣାସ୍ଥଳରୁ ଫେରାର ହୋଇଯିବାରେ ସକ୍ଷମ ହୋଇଥିଲେ । ଏଥିରେ ଘଟଣାସ୍ଥଳରେ ହିଁ ପୋଲିସ ଅଧିକାରୀ ଇସ୍ପାକ ଅହମ୍ମଦଙ୍କର ମୃତ୍ୟୁ ହୋଇଥିବାବେଳେ ଗୁରୁତର ଉମର ଜାନଙ୍କୁ ଉଦ୍ଧାର କରି ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଥିଲା । ଅବସ୍ଥା ଗମ୍ଭୀର ଥିବା ଉମର ମଧ୍ୟ ହସ୍ପିଟାଲରେ ଆଖି ବୁଜିଥିଲେ ।