ନୂଆଦିଲ୍ଲୀ: କର୍ଣ୍ଣାଟକ ବିଧାନସଭା ନିର୍ବାଚନ ପାଇଁ ସରଗରମ ରହିଛି ରାଜନୀତି । ବଡ ବଡିଆଙ୍କ ପ୍ରଚାରରେ କମ୍ପୁଛି ମଇଦାନ । ଏହାରି ଭିତରେ ଆଜି କର୍ଣ୍ଣାଟକ ବିଜେପି କର୍ମକର୍ତ୍ତାଙ୍କୁ ସମ୍ବାଧିତ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଭିସି ଜରିଆରେ କର୍ମୀଙ୍କୁ ଗୁରୁମନ୍ତ୍ର ଦେଇଛନ୍ତି ପ୍ରଧାନମନ୍ତ୍ରୀ । ସେ କହିଛନ୍ତି, "ଲୋକଙ୍କୁ ବୁଥ୍ ନିକଟକୁ ଆଣିବା ସହ ସରକାରଙ୍କ କାର୍ଯ୍ୟ ବିଷୟରେ ସେମାନଙ୍କୁ ଜଣାଇବାକୁ ହେବ । କର୍ଣ୍ଣାଟକରେ ଲୋକତନ୍ତ୍ର ଉତ୍ସବ ଚାଲିଛି । ବିଜେପି ସର୍ବଦା ନିର୍ବାଚନକୁ ଲୋକତନ୍ତ୍ରର ଉତ୍ସବ ଭାବେ ପାଳନ କରିଛି । ତୁମ ଉପରେ ଡବଲ ଦାୟିତ୍ବ ରହିଛି ମୋତେ ବିଶ୍ବାସ ଅଛି ପ୍ରତି ବୁଥ ପ୍ରତି ତୁମର ପ୍ରୟାସ କର୍ଣ୍ଣାଟକରେ ବିଜେପିକୁ ରେକର୍ଡ ସଂଖ୍ୟାକ ଭୋଟରେ ବିଜୟୀ କରାଇବ । ଯେବେ ବୁଥ୍ ବିଜୟୀ ହୋଇଥାଏ ନିର୍ବାଚନରେ ବିଜୟ ନିଶ୍ଚିନ୍ତ ହୋଇଥାଏ ବୋଲି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।"
ଜଣେ ବୁଥ କର୍ମୀଙ୍କ ପ୍ରଶ୍ନର ଉତ୍ତରରେ ପରାମର୍ଶ ଦେଇ ପ୍ରଧାନମନ୍ତ୍ରୀ କହିଛନ୍ତି, "ବୁଥ୍କୁ ଜିତିବାକୁ ହେଲେ 10ଜଣ ପୁରୁଷ ଓ 10 ଜଣ କର୍ମଠ ମହିଳାଙ୍କୁ ନେଇ ମଜଭୁତ ଟିମ୍ ଗଠନ କର । କର୍ଣ୍ଣାଟକର ଉଜ୍ବଳ ଭବିଷ୍ୟତ ପାଇଁ ଭାଜପାର ରାଜ୍ୟ ସରକାର ଓ କେନ୍ଦ୍ର ସରକାର କିପରି କାର୍ଯ୍ୟ କରୁଛନ୍ତି ତାର ଏକ ଡାଏରୀ ସାଥିରେ ରଖ । ଗରିବ, ଦଳିତ, ମହିଳା, କିଷାନ ଓ ଯୁବଗୋଷ୍ଠୀଙ୍କ ପାଇଁ ସରକାର କି କାର୍ଯ୍ୟ କରୁଛନ୍ତି ତାର ସମସ୍ତ ସୂଚନା ତୁମ ପାଖରେ ରହିବା ଆବଶ୍ୟକ । ମହିଳା ଓ ପୁରୁଷଙ୍କୁ ଦଳ ଗଠନ କରି ସେମାନଙ୍କୁ ପ୍ରତି ପରିବାରଙ୍କ ପାଖକୁ ପଠାଅ ଗୁରୁଜନଙ୍କ ଆର୍ଶୀବାଦ ନିଅ । ଗୋଟିଏ ପରିବାର ସହ ଘଣ୍ଟାଏ ସମୟ ବିତାଅ ବହୁତ ଫାଇଦା ହେବ । ବୁଥ ସହ ଜଡିତ ପରିବାକକୁ ଜିତିଲେ ହିଁ ବୁଥ ଜିତିବା ସମ୍ଭବ ହେବ । କର୍ଣ୍ଣାଟକବାସୀ ବିଜେପି ଉପରେ ବିଶ୍ବାସ ରଖିଛନ୍ତି । ଭଲ ପାଇବା ବର୍ଷା କରୁଛନ୍ତି । ଲୋକ ଜାଣିଛନ୍ତି ଆମେ କିପରି ଦ୍ରୁତ ଗତିରେ ଦେଶର ଅର୍ଥନୀତି ବ୍ୟବସ୍ଥାକୁ ସୁଧାର ଆଣିଛୁ ।"
ଏହା ବି ପଢନ୍ତୁ...Operation Kaveri: ଚତୁର୍ଥ ଦିନରେ ସୁଦାନରୁ ଫେରିଲେ ୧୨୮ ଭାରତୀୟ