ନୂଆଦିଲ୍ଲୀ:ବୀରଙ୍କ ସର୍ବୋଚ୍ଚ ବଳିଦାନକୁ ନେଇ ତାଙ୍କୁ ଦେଶବାସୀ ସଲାମ କରୁଛନ୍ତି । ସମସ୍ତଙ୍କ ଆଖିରେ ଲୁହ... ଆଉ ଆତଙ୍କୀକୁ କଡା ଜବାବ ଦେବାକୁ ମନରେ କ୍ରୋଧ ମଧ୍ୟ ରହିଛି । ବୀରଙ୍କ ବଳିଦାନ ପାଇଁ ଗର୍ବ ବି କରୁଛନ୍ତି ଦେଶବାସୀ । ଜମ୍ମୁକାଶ୍ମୀର ରଜୌରୀ ଏନକାଉଣ୍ଟରେ ଦେଶମାତୃକାର ସେବା କରୁ କରୁ ସର୍ବୋଚ୍ଚ ବଳିଦାନ ଦେଇଛନ୍ତି 5 ବୀର ସନ୍ତାନ । ଆତଙ୍କବାଦୀଙ୍କ ସହ ଲଢେଇ କରି ବୀର ପୁଅ ଯବାନ ଶହୀଦ ହୋଇଛନ୍ତି । ଜମ୍ମୁ କାଶ୍ମୀରରେ ଲେଫ୍ଟନାଣ୍ଟ ଜେନେରାଲ ମନୋଜ ସିହ୍ନା ସେମାଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି । ରଜୌରୀ ଏନକାଉଣ୍ଟରେ ଶହୀଦ କ୍ୟାପ୍ଟଟେନ ଏନଭି ପ୍ରାଞ୍ଚଲ, କ୍ୟାପ୍ଟଟେନ ଶୁଭମ ଗୁପ୍ତା, ସଚିନ ଲାଓର, ହାବିଲଦାର ଅବଦୁଲ ମଜିଦ ଓ ଲାଏନ୍ସ ନାଏକ ସଞ୍ଜୟ ବିଷ୍ଟ ସାହାସିକତାର ନୂଆ କାହାଣୀ ଲେଖିଛନ୍ତି । ଜାଣନ୍ତୁ ଏହି ବୀରଙ୍କ ବିଷୟରେ ।
2 ବର୍ଷ ତଳେ ବିବାହ କରିଥିଲେ କ୍ୟାପ୍ଟଟେନ ଏନଭି ପ୍ରାଞ୍ଚଲ: ରଜୌରୀ ଏନକାଉଣ୍ଟରରେ ସର୍ବୋଚ୍ଚ ବଳିଦାନ ଦେଇଥିବ ଯବାନଙ୍କ ମଧ୍ୟରେ କ୍ୟାପ୍ଟଟେନ ଏନଫି ପ୍ରାଞ୍ଜଲ ମଧ୍ୟ ସାମିଲ ଥିଲେ । ପ୍ରଥମେ ଆତଙ୍କୀଙ୍କ ଗୁଳିରେ ଶହୀଦ ହୋଇଥିଲେ 63-ରାଷ୍ଟ୍ରୀୟ ରାଇଫଲ୍ସର କ୍ୟାପଟେନ ଏମ.ଭି ପ୍ରାଞ୍ଚଳ । କର୍ଣ୍ଣାଟକ ମହୀଶୂରର ଏନଭି ପ୍ରାଞ୍ଚଲ ମାତ୍ର 28 ବର୍ଷରେ ଦେଶପାଇଁ ଜୀବନ ଦେଇଛନ୍ତି । ସେ ମାଙ୍ଗଲୋର ରିଫାଇନାରୀକ ପୂର୍ବତନ ଏମଡି ଭେଙ୍କଟେଶଙ୍କ ଏକମାତ୍ର ପୁଅ ଥିଲେ । ବେଙ୍ଗାଲୁରୁର ଆଦିତିଙ୍କୁ 2 ବର୍ଷ ତଳେ ବିବାହ କରିଥିଲେ ପ୍ରାଞ୍ଚଲ । ବିବାହର କିଛି ଦିନ ପରେ କାଶ୍ମୀରରେ ନିଯୁକ୍ତ ହୋଇଥିଲେ ।
କିଛି ଦିନ ପରେ ବର ସାଜିଥାନ୍ତେ ସଚିନ ଲାଓର: ରଜୌରୀ ଏନକାଉଣ୍ଟର ଅପରେସନରେ ଉତ୍ତରପ୍ରଦେଶ ଆଲିଗଡର ବୀର ସନ୍ତାନ ପାରାଟୁପର ସଚିନ ଲାଓର ଡିଟ୍ୟୁରେ ଥିଲେ । କିଛି ଦିନପରେ ବର ସାଜିଥାନ୍ତେ ସଚିନ । ହେଲେ ବିଧିର ବିଧାନ କିଛି ଅଲଗା ଥିଲା । ଦେଶମାତୃକାର ସେବା କରୁ କରୁ ଅଲବିଦା କହିଛନ୍ତି ସଚିନ । ଘରେ ସଚିନଙ୍କ ବଡ ଭାଇ ମାତାପିତା ଅଛନ୍ତି । ସଚିନଙ୍କ ଦେହାନ୍ତ ଖବର ପାଇ ପୁରା ଗାଁ ଶୋକରେ ବୁଡିଛି । ସଚିନଙ୍କ ପିତା ଜଣେ ଚାଷୀ । ସଚିନଙ୍କ ବଳିଦାନ ପାଇଁ ପରିବାର ଗର୍ବିତ ହେଲେ ପୁଅକୁ ହରାଇ କାନ୍ଦୁଛି ମାଆ ଝୁରୁଛି ଗାଁ ।
ଚେତାଶୂନ୍ୟ କ୍ୟାପ୍ଟଟେନ ଶୁଭମ ଗୁପ୍ତାଙ୍କ ମାଆ:ଆଗ୍ରାର କ୍ୟାପ୍ଟଟେନ ଶୁଭମ ଗୁପ୍ତା ରଜୌରୀ ଏନକାଉଣ୍ଟରରେ ଶହୀଦ ହୋଇଛନ୍ତି । କ୍ୟାପ୍ଟଟେନ ଶୁଭମ ଗୁପ୍ତାଙ୍କ ବିବାହ ନେଇ ପରିବାର କନିଆଁ ଖୋଜୁଥିଲେ । ଏହାରି ଭିତରେ ଦେଶ ପାଇଁ ମାଟି ମାଆର ସେବା କରୁ କରୁ ଶହୀଦ ହୋଇଛନ୍ତି କ୍ୟାପ୍ଟଟେନ ଶୁଭମ ଗୁପ୍ତା । ପୁଅର ଶହୀଦ ଖବର ଶୁଣି ଘଡିକି ଘଡି ଚେତା ହରାଉଛନ୍ତି ଶୁଭମ ଗୁପ୍ତାଙ୍କ ମାଆ । ଶୋକରେ ବୁଡିଛି ପୁରା ଗାଁ ।