କାଶ୍ମୀରରେ କୋର୍ଟ ବାହାରେ ବିସ୍ଫୋରଣ: ଜଣେ ମୃତ, ୭ ଆହତ

କାଶ୍ମୀରର ଉଧମପୁରରେ କୋର୍ଟ ପରିସର ବାହାରେ ବିସ୍ଫୋରଣ । ଜଣେ ମୃତ, ୭ ଆହତ । ଆତଙ୍କୀ ହମଲା ସନ୍ଦେହ ସହ ତଦନ୍ତ ଜାରି ରହିଥିବା ସ୍ଥାନୀୟ ପୋଲିସ ପକ୍ଷରୁ ସୂଚନା । ଅଧିକ ପଢନ୍ତୁ

ଶ୍ରୀନଗର: ଜାମ୍ମୁ କାଶ୍ମୀରର ଉଧମପୁର କୋର୍ଟ ପରିସର ବାହାରେ ବିସ୍ଫୋରଣ । ଏଥିରେ ଜଣେ ପ୍ରାଣ ହରାଇଥିବାବେଳେ ପ୍ରାୟ ୭ଜଣ ଆହତ ହୋଇଥିବା ସୂଚନା ମିଳିଛି । ଆଜି (ବୁଧବାର) ଅପରାହ୍ନ ପ୍ରାୟ ୧ଟା ବେଳେ ଏହି ବିସ୍ଫୋରଣ ଘଟିଥିବା ସ୍ଥାନୀୟ ପୋଲିସ ପକ୍ଷରୁ ସୂଚନା ମିଳିଛି ।

ସମସ୍ତ ଆହଙ୍କୁ ଉଦ୍ଧାର କରାଯାଇ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି । ଏହା ଏକ ଆତଙ୍କୀ ହାମଲା ହୋଇଥିବା ପ୍ରାଥମିକ ତଦନ୍ତରୁ ଅନୁମାନ କରାଯାଉଥିବା ବେଳେ ତଦନ୍ତ ଜାରି ରହିଥିବା ସ୍ଥାନୀୟ ଏସ.ଏସ.ପି ବିନୋଦ କୁମାର ସୂଚନା ଦେଇଛନ୍ତି ।

ବ୍ୟୁରୋ ରିପୋର୍ଟ, ଇଟିଭି ଭାରତ