ନୂଆଦିଲ୍ଲୀ:7ମ ଭାରତ-ବାଂଲାଦେଶ ଜଏଣ୍ଟ କନସୁଲଟେଟିଭ କମିଶନ ମିଟିଂ ଅବସରରେ ବାଂଲାଦେଶ ବୈଦେଶିକ ମନ୍ତ୍ରୀ ଏ.କେ ଅବଦୁଲ୍ଲ ମୋମେନଙ୍କ ସହ ଆଲୋଚନା କରିଛନ୍ତି ବୈଦେଶିକ ମନ୍ତ୍ରୀ ଏସ.ଜୟଶଙ୍କର । ନୂଆଦିଲ୍ଲୀରେ ଉଭୟଙ୍କ ମଧ୍ୟରେ ଆଲୋଚନା ହୋଇଛି । ଆଜିର ସାକ୍ଷାତକାର ନେଇ ଜୟଶଙ୍କର ନିଜ ଟ୍ବିଟର ହ୍ୟାଣ୍ଡେଲରେ ସୂଚନା ଦେଇଛନ୍ତି ।
କୋଭିଡ ପରବର୍ତ୍ତୀ ସ୍ଥିତିରେ ନୂଆଦିଲ୍ଲୀରେ ପ୍ରଥମ ଥର ପାଇଁ ଏହି ବୈଠକ ଭର୍ଚ୍ଚୁଆଲି ପରିବର୍ତ୍ତେ ସ୍ବାଭାବିକ ଭାବେ ଆୟୋଜିତ ହେଉଛି । ଗତବର୍ଷ ଏହି ଆଲୋଚନା ଭର୍ଚ୍ଚୁଆଲି ହୋଇଥିଲା । ଏହି ଆଲୋଚନା ଦୁଇ ପଡୋଶୀ ରାଷ୍ଟ୍ରଙ୍କ ମଧ୍ୟରେ ଦ୍ବିପାକ୍ଷିକ ସମ୍ପର୍କ ସୁଦୃଢୀକରଣ ପାଇଁ ଏକ ନିୟମିତ ଶୃଙ୍ଖଳା । କୋଭିଡ ବିରୋଧୀ ଲଢେଇ, ସୀମା ଓ ସୁରକ୍ଷା ସମ୍ପର୍କିତ ଆହ୍ବାନ, ବାଣିଜ୍ୟ, ଶକ୍ତି, ଯୋଗାଯୋଗ, ଜଳସମ୍ପଦ ଓ ସ୍ଥାୟୀ ବିକାଶ ଆଦି କ୍ଷେତ୍ରରେ ଦୁଇ ପଡୋଶୀଙ୍କ ମଧ୍ୟରେ ଉତ୍ତମ ବୁଝାମଣା ଓ ସହଯୋଗ ଏହି ଉଚ୍ଚସ୍ତରୀୟ ବୈଠକର ମୁଖ୍ୟ ଉଦ୍ଦେଶ୍ୟ ।