ଢାକା:ବାଂଲାଦେଶ ଗସ୍ତରେ ଥିବା ବୈଦେଶିକ ମନ୍ତ୍ରୀ ଏସ.ଜୟଶଙ୍କର ଆଜି ସନ୍ଧ୍ୟାରେ ପ୍ରଧାନମନ୍ତ୍ରୀ ଶେଖ ହାସିନାଙ୍କ ସହ ସାକ୍ଷାତ କରିଛନ୍ତି । ଆଜି ସନ୍ଧ୍ୟାରେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟରେ ଉଭୟଙ୍କ ମଧ୍ୟରେ ସାକ୍ଷାତକାର ଓ ଆଲୋଚନା ହୋଇଛି । ଦୁଇ ଦେଶ ମଧ୍ୟରେ ଥିବା ଦ୍ବିପାକ୍ଷିକ ସମ୍ପର୍କରେ ଆଲୋଚନା ହେବା ସହ ଭାରତ ଗସ୍ତ ପାଇଁ ପ୍ରଧାନମନ୍ତ୍ରୀ ମୋଦିଙ୍କ ପକ୍ଷରୁ ହାସିନାଙ୍କୁ ଜୟଶଙ୍କର ନିମନ୍ତ୍ରଣ ମଧ୍ୟ କରିଛନ୍ତି ।
ଜୟଶଙ୍କର ବାଂଲାଦେଶ ପ୍ରଧାନମନ୍ତ୍ରୀଙ୍କ ସହ ଦ୍ୱିପାକ୍ଷିକ, ଆଞ୍ଚଳିକ ଏବଂ ଏକାଧିକ ଅନ୍ତର୍ଜାତୀୟ ପ୍ରସଙ୍ଗରେ ମତ ବିନିମୟ କରିଛନ୍ତି । ଦୁଇ ଦେଶ ମଧ୍ୟରେ ଭଲ ସହଯୋଗ ରହିଆସିଛି । ଏକାଧିକ କ୍ଷେତ୍ରରେ ଉଭୟ ସହଭାଗିତାର ସହ ଆଗକୁ ବଢୁଛନ୍ତି । କୋଭିଡ ସଙ୍କଟ ସମୟରେ ମଧ୍ୟ ଉଭୟ ସହଯୋଗପୂର୍ଣ୍ଣ ଭାବେ ମୁକାବିଲା କରିଥିବା ଜୟଶଙ୍କର କହିଛନ୍ତି ।