ଶ୍ରୀନଗର:ସୁରକ୍ଷାକର୍ମୀଙ୍କୁ ବଡ ସଫଳତା । ଲଗାତାର ଭାବରେ ଆତଙ୍କବାଦୀଙ୍କୁ ନିପାତ କରିବାରେ ସଫଳ ହୋଇଛନ୍ତି ସୁରକ୍ଷାକର୍ମୀ । ଜମ୍ମକାଶ୍ମୀରର କୁଲଗାମ ଓ ଅନନ୍ତନାଗ ଦୁଇଟି ପୃଥକ ପୃଥକ ସ୍ଥାନରେ ସରକ୍ଷାକର୍ମୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ (Encounter) ହୋଇଥିଲା । ଏଥିରେ ୬ଜଣ ଆତଙ୍କୀ ନିପାତ ହୋଇଛନ୍ତି ।
ବୁଧବାର ସନ୍ଧ୍ୟାରେ ସୁରକ୍ଷାକର୍ମୀ ଉଭୟ ଜିଲ୍ଲାରେ ଆତଙ୍କବାଦୀ ନିରୋଧ ଅପରେସନ ଚଳାଇଥିଲେ । ଏହି ସମୟରେ ସେମାନଙ୍କର ମୁହାଁମୁହିଁ ହୋଇଥିଲା । ପରେ ଉଭୟ ପଟୁ ଗୁଳି ବିନିମୟ ହୋଇଥିଲା । ପ୍ରଥମେ ଅନନ୍ତନାଗ ଜିଲ୍ଲାରେ ନାଓଗାମ ଅଞ୍ଚଳରେ ଅପରେସନ ଆରମ୍ଭ ହୋଇଥିଲା । ଏଥିରେ ଜଣେ ପୋଲିସ କର୍ମୀ ଆହତ ହୋଇଥିଲେ । ଏଥିରେ ୪ଜଣ ଆତଙ୍କୀ ଟଳିଥିଲେ । ଏହାପରେ କୁଲଗାମ ଜିଲ୍ଲା ମିରହମା ଗ୍ରାମରେ ସୁରକ୍ଷାକର୍ମୀମାନେ ଅପରେସନ ଚଳାଇଥିଲେ । ଏଥିରେ ଦୁଇଜଣ ଆତଙ୍କବାଦୀ ନିପାତ ହୋଇଛନ୍ତି । ଦୁଇଟି ପୃଥକ ଏନକାଉଣ୍ଟରରେ ମୋଟ ୬ଜଣ ଆତଙ୍କୀଙ୍କୁ ସଫା କରିଛି ସୁରକ୍ଷାବାହିନୀ । ସଂପୃକ୍ତ ଅଞ୍ଚଳକୁ ଘେରାବନ୍ଦୀ କରି ସର୍ଚ୍ଚ ଅପରେସନ ଜୋରଦାର ହୋଇଛି ।