ଡେରାଡୁନ: ଉନ୍ମୋଚିତ ହେଲା 'History of ITBP' ପୁସ୍ତକ । ଇଣ୍ଡୋ ତିବ୍ବତୀୟାନ ସୀମା ପୋଲିସ ରବିବାର ତାର ପ୍ରଥମ ପୁସ୍ତକ ଉନ୍ମୋଚିତ ହୋଇଛି । ଇତିହାସରେ ଏହା ପ୍ରଥମ । ଏହି ପୁସ୍ତକଟି ଅଧିକାରୀ ଏବଂ ତାର ସୈନ୍ୟଦଳକୁ ଜ୍ଞାନ ଦେବ ।
ସାମରିକ ବାହିନୀ କହିଛି ଯେ ଏହି ପୁସ୍ତକଟି ପ୍ରଶାସନିକ ତଥା ପ୍ରଶିକ୍ଷଣ ଉଦ୍ଦେଶ୍ୟରେ ମଧ୍ୟ ଫୋର୍ସର ସରକାରୀ ଇତିହାସ ଭାବରେ ଗଭୀର ବିବରଣୀ ପାଇଁ ଉପଯୋଗୀ ହେବ । ଏହି ପ୍ରକାଶନ ପର୍ଯ୍ୟନ୍ତ ITBP ଉପରେ ସେପରି କୌଣସି ପୁସ୍ତକ ଉପଲବ୍ଧ ହୋଇ ନଥିଲା ବୋଲି ଆଇଟିବିପି ମୁଖପାତ୍ର ବିବେକ କୁମାର ପାଣ୍ଡେ କହିଛନ୍ତି । ଏହା ଏକ ଐତିହାସିକ ସଫଳତା ବୋଲି କହିଛନ୍ତି ITBP ମୁଖପାତ୍ର ।
ଏହି ପୁସ୍ତକ ଇଂରାଜୀ ଶଦ୍ଦରେ ରହିଛି । ପୁସ୍ତକରେ ବର୍ଷ ବର୍ଷ ଧରି ସୁରକ୍ଷାବଳୟର ଐତିହାସିକ ବିକାଶ ବିଷୟରେ ବିଭିନ୍ନ ତଥ୍ୟ ଏବଂ ଦିଗ ବିଷୟରେ ଲେଖା ରହିଛି । ଅନୁସନ୍ଧାନ ପରେ ଦୁଇ ବର୍ଷ ମଧ୍ୟରେ ଏହି 640 ପୃଷ୍ଠାର ଭଲ୍ୟୁମ୍ ପ୍ରସ୍ତୁତ ହୋଇଛି । ଏଥିରେ ଗତ ଛଅ ଦଶନ୍ଧି ମଧ୍ୟରେ ITBPର ବିଭିନ୍ନ ଗୁରୁତ୍ବପୂର୍ଣ୍ଣ ସଫଳତା ଅନ୍ତର୍ଭୁକ୍ତ ହୋଇଛି ଯେପରିକି ସୀମା ପରିଚାଳନା, ଗୁରୁତ୍ବପୂର୍ଣ୍ଣ ମାନଦଣ୍ଡ, ସଂସ୍କାର,ପ୍ରଶାସନିକ ପରିବର୍ତ୍ତନ । କଳା ଧଳା ରଙ୍ଗର ପ୍ରାୟ ୧୦୦୦ ଐତିହାସିକ ଫଟୋ ଏହି ପୁସ୍ତକରେ ସ୍ଥାନିତ ହୋଇଛି ।