ଜେରୁଜେଲମ: ଏପ୍ରିଲ ୩ ତାରିଖରେଇସ୍ରାଏଲ ପ୍ରଧାନମନ୍ତ୍ରୀ ଭାରତ ଗସ୍ତରେ ଆସିବାକୁ ଥିବାବେଳେ ଏହି ଗସ୍ତ ବାତିଲ ହୋଇଯାଇଛି । ଇସ୍ରାଏଲ ପ୍ରଧାନମନ୍ତ୍ରୀ ନାଫଟିଲ ବେନେଟ ଏପ୍ରିଲ ୩ ତାରିଖରୁ ଦୁଇ ଦିନି ଆଭାରତ ଗସ୍ତରେ ଆସିବାକୁ ଥିବାବେଳେ ଗତକାଲି ସେ କୋଭିଡ ସଂକ୍ରମିିତ ହୋଇଥିବା ଜଣାପଡିଥିଲା । ତେବେ ସେ ସଂକ୍ରମିତ ଜଣାପଡିବା ପରେ ତାଙ୍କ ବିଦେଶ ଗସ୍ତ ନେଇ କଳ୍ପନାଜଳ୍ପନା ଜାରି ରହିଥିଲା । ଆଜି ତାଙ୍କ ଭାରତ ଗସ୍ତ ବାତିଲ ହୋଇଥିବା ସରକାରୀ ଭାବେ ସ୍ପଷ୍ଟ କରାଯାଇଛି ।
ଏନେଇ ଇସ୍ରାଏଲ ପ୍ରଧାନମନ୍ତ୍ରୀଙ୍କ ପରାମର୍ଶଦାତାଙ୍କ ପକ୍ଷରୁ ସ୍ପଷ୍ଟ କରାଯାଇଥିବା ବେଳେ ପରବର୍ତ୍ତୀ ସମୟରେ ଏହି ଗସ୍ତ ପାଇଁ ଆଉ ଏକ କାର୍ଯ୍ୟସୂଚୀ ସ୍ଥିର ହେବା ନେଇ କୁହାଯାଇଛି । ତେବେ କେବେ ଦ୍ବିତୀୟ ଗସ୍ତସୂଚୀ ଜାରି ହୋଇପାରେ ସେ ନେଇ କୌଣସି ସୂଚନା ମିଳିପାରିନାହିଁ ।