ଗାଜାସିଟି: ଆଜି(ସୋମବାର) ସକାଳୁ ଗାଜାର ବିଭିନ୍ନ ଅଞ୍ଚଳ ଉପରେ ପୁଣି ଇସ୍ରାଏଲ ଏୟାରଷ୍ଟ୍ରାଇକ ଆକ୍ରମଣ କରିଛି । ତେବେ ଇସ୍ରାଏଲର ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟାହୁ ଗାଜାର ହମାସ ଶାସକଙ୍କ ସହିତ ଚତୁର୍ଥ ଯୁଦ୍ଧ ପାଇଁ ଆହ୍ବାନ ଦେବା ପରେ ଗାଜା ଉପରେ ଏହି ଆକ୍ରମଣ କରିଛି ଇସ୍ରାଏଲ ।
ଏହି ବିସ୍ଫୋରଣ ଗାଜାର ଉତ୍ତର ଦିଗରୁ ଦକ୍ଷିଣ ପାର୍ଶ୍ବକୁ ହୋଇଥିବା ବେଳେ ମାତ୍ର 10 ମିନିଟ ଭିତରରେ ସହରକୁ ଛାରଖାର କରିଥିଲା । ସୋମବାର ସକାଳୁ ହୋଇଥିବା ବିସ୍ଫୋରଣ ଅତି ଭୟାନକ ଥିଲା ବୋଲି ଜଣାପଡିଛି । ଇସ୍ରାଏଲ ଏବଂ ହମାସ ଆତଙ୍କବାଦୀ ଗୋଷ୍ଠୀ ମଧ୍ୟରେ ଗତ ସୋମବାରଠାରୁ ଜାରି ରହିଛି ବିବାଦ । ଏହି ବିବାଦରେ ଇସ୍ରାଏଲର ଏୟାର ଷ୍ଟ୍ରାଇକ ତିନୋଟି କୋଠା ଧୂଳିସାତ ହୋଇଥିଲା ।