ନୂଆଦିଲ୍ଲୀ: ଭାରତୀୟ ନୌସେନା ଯୁଦ୍ଧପୋତ ଆଇଏନଏସ୍ ଖୁଖରୀ(INS Khukri) ଡ୍ୟୁ ପ୍ରଶାସନକୁ ହସ୍ତାନ୍ତରିତ ହୋଇଛି । ଏହାକୁ ଏକ ସଂଗ୍ରହାଳୟ ଭାବେ ବିକଶିତ କରାଯିବା ନେଇ ଗତକାଲି(ଶୁକ୍ରବାର) ଭାରତୀୟ ସେନା ପକ୍ଷରୁ ସୂଚନା ଦିଆଯାଇଛି । ଦୀର୍ଘ ୩୨ ବର୍ଷର ସେବା ପରେ ଏହି ମିସାଇଲ କାର୍ଭେଟକୁ ଗତ ଡିସେମ୍ବର ୨୩ ତାରିଖ ଦିନ ନୌସେନାରୁ ଅବସର ଦିଆଯାଇଥିଲା । ଯୁଦ୍ଧପାତରୁ ଅବସର ନେବା ପରେ ଏହାକୁ ସଂଗ୍ରହାଳୟ କରିବା ଲାଗି ହସ୍ତାନ୍ତର କରାଯାଇଛି ।
ତେବେ ଗତ ବୁଧବାର ଦିନ ଏକ ଭବ୍ୟ କାର୍ଯ୍ୟକ୍ରମ ଅନୁଷ୍ଠିତ ହେବା ନେଇ ଭାରତୀୟ ନୌସେନାର ଏକ ବିବୃତ୍ତିରେ କୁହାଯାଇଛି । କେନ୍ଦ୍ରଶାସିତ ପ୍ରଦେଶ ଦାଦ୍ରାନଗର ହାବେଳି, ଡାମନ ଏଣ୍ଡ ଡ୍ୟୁ ଓ ଲକ୍ଷାଦ୍ୱୀପ ପ୍ରଶାସକ ପ୍ରଫୁଲ୍ଲ ପଟେଲଙ୍କୁ ସେବାମୁକ୍ତ ଜାହାଜ ଆନୁଷ୍ଠାନିକ ଦାୟିତ୍ବ ହସ୍ତାନ୍ତର କରାଯାଇଛି । ପର୍ଯ୍ୟଟକଙ୍କ ପାଇଁ ଖୁଖରୀକୁ ମ୍ୟୁଜିୟମରେ ପରିଣତ କରିବାକୁ ଯୋଜନା କରାଯାଇଛି ବୋଲି ଏଥିରେ ଉଲ୍ଲେଖ କରାଯାଇଛି ।