ଭୋପାଳ: ମଧ୍ୟପ୍ରଦେଶରେ ଗଡିବ କାର୍ବନ ମୁକ୍ତ ଗାଡି । ଏଥିପାଇଁ ମଧ୍ୟପ୍ରଦେଶର ଇନ୍ଦୋର ମହାନଗର ନିଗମ ପକ୍ଷରୁ ଏକ ସ୍ବତନ୍ତ୍ର କାର୍ବନ ମୁକ୍ତ ରୋଡ ପ୍ରସ୍ତୁତ କରାଯିବ । ଦେଶରେ ବଢୁଥିବା ବାୟୁ ପ୍ରଦୂଷଣକୁ ରୋକିବା ଲାଗି ମଧ୍ୟପ୍ରଦେଶ ସରକାର ଏହି ବ୍ୟବସ୍ଥା ଆରମ୍ଭ କରିବାକୁ ଯାଉଛନ୍ତି ।
ସେହିପରି ରାସ୍ତାରେ କେବଳ ବୈଦ୍ୟୁତିକ ଯାନ ଚାଲିବ ବୋଲି ଜଣାପଡିଛି । ସାରା ଦେଶରେ ପ୍ରଥମ କାର୍ବନ ମୁକ୍ତ ରାସ୍ତା ଇନ୍ଦୋରରେ ନିର୍ମାଣ ହେବାକୁ ଯାଉଥିବାବେଳେ ଏହି ରାସ୍ତାରେ ପେଟ୍ରୋଲ ଏବଂ ଡିଜେଲରେ ଚାଲୁଥିବା ଯାନବାହନକୁ ସମ୍ପୂର୍ଣ୍ଣ ନିଷିଦ୍ଧ ହେବ । ତେବେ ଏଥର ଦେଶରେ ସ୍ୱଚ୍ଛତା ସର୍ବେକ୍ଷଣକୁ ନଜର ରଖି ଇନ୍ଦୋର ମହାନଗର ନିଗମ ପକ୍ଷରୁ ଯୋଜନା ଆରମ୍ଭ କରିବାକୁ ଯାଉଛନ୍ତି ।
ସେହିଭଳି ଇନ୍ଦୋରରେ ଶିଳ୍ପରୁ ବାହାରୁଥିବା ପ୍ରଦୂଷଣକୁ ରୋକିବା ସହିତ ବଜାର ତଥା ବଜାରରେ ଚୁଲାର ବ୍ୟବହାର ବନ୍ଦ କରାଯାଇଛି । ଏହା ଛଡା ଯେଉଁ ଅଞ୍ଚଳରେ ଯାନବାହାନରୁ ଅଧିକ ପ୍ରଦୂଷଣ କରୁଥିବ, ସେସବୁ ଅଞ୍ଚଳରେ ରେଡ ସିଗନାଲରେ ଇଞ୍ଜିନକୁ ଅଟକାଇବା ପାଇଁ ଏକ ସିଷ୍ଟମ ଆରମ୍ଭ କରାଯାଇଛି । ତେବେ ଇନ୍ଦୋରର GSITS ଛକଠାରୁ ରେଳ ଷ୍ଟେସନ ପର୍ଯ୍ୟନ୍ତ ପ୍ରାୟ ଏକ କିଲୋମିଟର ରାସ୍ତା ନିର୍ମାଣ ପାଇଁ ସ୍ଥିର କରାଯାଇଛି ।