Flying Dahi Vada: ଚର୍ଚ୍ଚାରେ ଇନ୍ଦୋରର ଉଡନ୍ତା ଦହିବରା, କିଣୁଛି ଗ୍ରାହକଙ୍କ ମନ

ଚର୍ଚ୍ଚାରେ ଇନ୍ଦାେରର ଦହିବରା । ତେବେ ଏହା ସାଧାରଣ ଦହିବରା ନୁହେଁ । ଏହା ହେଉଛି ଫ୍ଲାଇଙ୍ଗ ଦହିବରା । ଅଧିକ ପଢ଼ନ୍ତୁ

ଭୋପାଳ : ମଧ୍ୟପ୍ରଦେଶର ଏହି ଇନ୍ଦୋର ସହର ଯାହାକୁ ଚାଟର୍ ସହର କୁହାଯାଏ । ବିଭିନ୍ନ ପ୍ରକାରର ଡିସ୍ ଏବଂ ଡିସ୍ ପରିବେଷଣ କରିବାର ଏକ ଭିନ୍ନ ଶୈଳୀ ଏଠାରେ ଦେଖିବାକୁ ମିଳେ । ଏଠାରେ ଥିବା ଚାଟ୍ ଦୋକାନରେ ଚାଟ୍ ପରିବେଷଣ କରିବାର ତରିକା ପୁରା ଅଲଗା । ଯାହାପାଇଁ ଇନ୍ଦୋର ପୁରା ଫେମସ । ହେଲେ ଏଠି ଏବେ ଆଉ ଏକ ଖାଇବାର ଶୈଳୀ ଲୋକଙ୍କୁ ବା ଗ୍ରାହକଙ୍କୁ ବେଶ ଆକୃଷ୍ଚ କରୁଛି । ତାହା ହେଉଛି ଫ୍ଲାଇଙ୍ଗ ଦହିବରା । ଆଜିକାଲି ଫ୍ଲାଇଙ୍ଗ ଦହି ବରା ବିଷୟରେ ଅନେକ ଆଲୋଚନା ହେଉଛି । ମୁଖ୍ୟତଃ ଇନ୍ଦୋରରେ ଏହା ଏବେ ଏକ ପ୍ରକାରର ବିଶେଷ ଓ ଆକର୍ଷଣୀୟ ଖାଦ୍ୟ ପାଲଟିଛି ।

ଏହି ସୁସ୍ବାଦ ଦହିବରାକୁ “ଫ୍ଲାଇଙ୍ଗ୍ ଦହିବରା" କୁହାଯାଏ । କାରଣ ଏହାକୁ ତିଆରି କରୁଥିବା ଯୋଶୀ ନାମକ ବ୍ୟବସାୟୀ ଗ୍ରାହକଙ୍କୁ ସେବା ଦେବା ପୂର୍ବରୁ ଆକାଶରେ ଦହିବରାକୁ ଉଡ଼ାଇ ଦିଅନ୍ତି । ଏହା ପରେ, ଅନ୍ୟ ହାତରେ ଧରିବା ପରେ, ଏହାକୁ ଏକ ଚାମଚରେ ୫ ପ୍ରକାରର ମସଲା ସହିତ ସଜାଇ ଗ୍ରାହକଙ୍କୁ ବିଶେଷ ଉପାୟରେ ପରିବେଷଣ କରନ୍ତି ।

ଯୋଶୀଙ୍କ ଏହି ଫ୍ଲାଇଙ୍ଗ୍ ଦହିବରା ଏବେ ସହରରେ ଏକ ଲୋକପ୍ରିୟ ବ୍ରାଣ୍ଡ ହୋଇଗଲାଣି । ତେବେ ଲୋକଙ୍କୁ କିଛି ନୂଆ ତରିକାରେ ଓ ଭିନ୍ନ ଶୈଳୀରେ ଖାଦ୍ୟ ଦେବା ନେଇ ଆରମ୍ଭ କରିଥିଲେ ଏହି ତରିକା । ୧୯୭୭ ପରଠାରୁ ସେ ଏହାକୁ ପରିବେଷଣ କରିବା ପୂର୍ବରୁ ବାୟୁରେ ଉଡ଼ାଇଥାନ୍ତି । ଏଭଳି କରିବାର ଶୈଳୀ ଯୋଶୀ ନିଜେ ପ୍ରସ୍ତୁତ କରିଥିଲେ । ଯାହା ପରେ ଧୀରେ ଧୀରେ ତାଙ୍କ ବ୍ରାଣ୍ଡ ଷ୍ଟାଇଲରେ ପରିଣତ ହୋଇ ସାରା ଦେଶରେ ପ୍ରସିଦ୍ଧ ହେଲା ।

ଭାରତ ଏବଂ ବିଦେଶରୁ ଆସୁଥିବା ଲୋକମାନେ ଯୋଶୀଙ୍କ ଦହିବରା ଏବଂ ଏହାର ସେବା କରିବାର ଶୈଳୀ ଦେଖି ଆଶ୍ଚର୍ଯ୍ୟ ହୋଇଯାଉଛନ୍ତି । ଯୋଶୀ ଯେତେବେଳେ ଏହି ଦହିବରାକୁ ବାୟୁରେ ଉଡ଼ାନ୍ତି ସେତେବେଳେ ଗୋଟିଏ ବୁନ୍ଦା ବି ଦହିବରା ବାହାରେ ପଡେ ନାହିଁ । ତାଙ୍କର ଏହି ଶୈଳୀ ହିଁ ତାଙ୍କ ଖାଦ୍ୟକୁ ଏକ ବ୍ରାଣ୍ଡ କରିଛି । ଏହି ଦହିବରାର ମୂଲ୍ୟ ହେଉଛି ୪୦ ଟଙ୍କା ।

ବ୍ୟୁରୋ ରିପୋର୍ଟ, ଇଟିଭି ଭାରତ