ଲକ୍ଷ୍ନୌ:ଭାରତକୁ ବିଶ୍ବସ୍ତରରେ ଗୌରବାନ୍ବିତ କଲେ ଉତ୍ତରପ୍ରଦେଶ ମିର୍ଜାପୁର ବାସୀ ବୈଜ୍ଞାନିକ ଡକ୍ଟର ମୟଙ୍କ ସିଂ (Indian origin scientist Dr Mayank Singh)। ସେ ବିଶ୍ବପ୍ରସିଦ୍ଧ ବୈଜ୍ଞାନିକ ସଂଗଠନ ସିଗମା ଏକାଦଶ (Sigma XI)ରେ ଯୋଗଦେଇଛନ୍ତି । ଏହି ସଂଗଠନରେ ପ୍ରାୟ ୨୦୦ରୁ ଅଧିକ ନୋବେଲ ବିଜେତା ବୈଜ୍ଞାନିକ କାମ କରୁଥିବା ବେଳେ ସେ ସେମାନଙ୍କ ସହିତ କାମ କରିବାକୁ ଯାଉଛନ୍ତି । ଡକ୍ଟର ମୟଙ୍କଙ୍କ ଏହି ସଫଳତା ଲାଗି ପରିବାର ସମେତ ଅଞ୍ଚଳବାସୀ ବେଶ ଖୁସିବ୍ୟକ୍ତ କରିଛନ୍ତି ।
ମିର୍ଜାପୁର ବାସୀ ବୈଜ୍ଞାନିକ ଡକ୍ଟର ମୟଙ୍କ ସିଂ ମିର୍ଜାପୁର ଚୁନାର ଅଞ୍ଚଳର ବାଗି ଗାଁର ବାସିନ୍ଦା ହେଉଛନ୍ତି ଡକ୍ଟର ମୟଙ୍କ ସିଂ । ସେ ଅନ୍ୟ ତିନି ସହଯୋଗୀ ବୈଜ୍ଞାନିକଙ୍କ ସହ ମିଳିତ ଭାବରେ ସର୍ବନିମ୍ନ ମୂଲ୍ୟରେ ଡେଣ୍ଡ୍ରାଇଟିକ (ଡେଣ୍ଡ୍ରିମର୍) ନାନୋଟେକ୍ନୋଲୋଜିର ବିକଶିତ କରି ଏହି ସଫଳତା ହାସଲ କରିଛନ୍ତି । ଏହାକୁ ଦୃଷ୍ଟିରେ ରଖି ସିଗମା-ଏକାଦଶ ତାଙ୍କୁ ଡିସେମ୍ବର ୨୦ ତାରିଖରେ ସଂଗଠନରେ ଅନ୍ତର୍ଭୁକ୍ତ କରିବାକୁ ଘୋଷଣା କରିଥିଲେ। ଏହି ଘୋଷଣା ପରେ ଅଞ୍ଚଳରେ ଖୁସିର ଲହରୀ ଖେଳିଯାଇଛି ।
ବିଶ୍ବପ୍ରସିଦ୍ଧ ବୈଜ୍ଞାନିକ ସଂଗଠନ Sigma XIରେ ଭାରତୀୟ ବୈଜ୍ଞାନିକ ଏହା ବି ପଢନ୍ତୁ- Covid scare: ଦେଶରେ ସରିଲାଣି ୨୨୦ କୋଟି ଡୋଜ ଟୀକାକରଣ, ସୂଚନା ଦେଲେ ସିନ୍ଧିଆ
ସୂଚନା ଥାଉ କି ସିଗମା-ଏକାଦଶ ସଂଗଠନ ଗତ ୧୩୭ ବର୍ଷର ପୁରାତନ ସଂଗଠନ । ଏଠାରେ ପ୍ରାୟ ୨୦୦ରୁ ଅଧିକ ନୋବେଲ ବିଜେତା ବୈଜ୍ଞାନିକ ସଦସ୍ୟ ରହିଥିବା ବେଳେ ସେଠାରେ କାମ କରୁଛନ୍ତି । ଏମାନଙ୍କ ମଧ୍ୟରେ ଏଲବର୍ଟ ଆଇଷ୍ଟାଇନ, ଏନାରିକା ଫର୍ମି, ଲିନସ ପୋଲିଙ୍ଗ, ଫ୍ରାନ୍ସିସ କ୍ରିକ, ଜେମ୍ସ ୱାଟସନ, ବାରବରା ମେଙ୍କିଲଟାକ, ଜନ୍ ଗୁଡଇନଫ, ଜେନିଫର ଡୋଡନାଙ୍କ ଭଳି ଅନେକ ସୁନାମଧନ୍ୟ ବୈଜ୍ଞାନିକ କାର୍ଯ୍ୟ କରୁଛନ୍ତି ।
ବିଶ୍ବପ୍ରସିଦ୍ଧ ବୈଜ୍ଞାନିକ ସଂଗଠନ Sigma XIରେ ଭାରତୀୟ ବୈଜ୍ଞାନିକ ଡେଣ୍ଡ୍ରିମର ପ୍ରଯୁକ୍ତିବିଦ୍ୟାର ଜନକ କୁହାଯାଉଥିବା ୮୪ ବର୍ଷୀୟ ବୈଜ୍ଞାନିକ ଡକ୍ଟର ଡୋନାଲ୍ଡ କହିଛନ୍ତି ଡକ୍ଟର ମୟଙ୍କଙ୍କର ବୈଜ୍ଞାନିକ କ୍ଷମତା, ନିଷ୍ଠା ଓ ସମର୍ପଣ ଆଧାରରେ ତାଙ୍କୁ ଡେଣ୍ଡ୍ରିମର ଟେକ୍ନୋଲୋଜିରେ ୫ ପ୍ରତିଶତ ଅଂଶୀଦାର ଦିଆଯାଇଛି । ଡକ୍ଟର ମୟଙ୍କଙ୍କୁ କମ୍ପାନୀ ଲାଗି ସ୍ବତନ୍ତ୍ର ନିର୍ଣ୍ଣୟ ନେବା ଓ ପରାମର୍ଶ ଦେବା ଲାଗି ସମାନ ଅଧିକାର ଦିଆଯିବ ।
