ନୂଆଦିଲ୍ଲୀ: ନୌସେନା ପ୍ରମୁଖ ଆଡମିରାଲ କରମବୀର ସିଂ ଆସନ୍ତାକାଲି(ରବିବାର) ରଷିଆର ସେଣ୍ଟ ପିଟର୍ସବର୍ଗରେ ହେବାକୁ ଥିବା ରଷିଆ ନୌସେନାର ୩୨୫ ତମ ନୌସେନା ଦିବସରେ ସାମିଲ ହେବେ । ଏହି କାର୍ଯ୍ୟକ୍ରମରେ ସାମିଲ ହେବା ପାଇଁ ଭାରତୀୟ ନୌସେନାର(Indian navy ) ଏକ ଯୁଦ୍ଧ ଜାହାଜ ସହ ସ୍ବତନ୍ତ୍ର ଦଳ ବନ୍ଦରର ସହର ପିଟର୍ସବର୍ଗରେ ପହଞ୍ଚି ସାରିଛନ୍ତି । ଗତକାଲି ଠାରୁ ନୌସେନା ପ୍ରମୁଖ ମଧ୍ୟ ରଷିଆ ଅଭିମୁଖେ ଯାତ୍ରା କରିଛନ୍ତି । ଏହାବାଦ ରଷିଆ ସେନାର ଶୀର୍ଷ ଅଧିକାରୀଙ୍କ ସହ ମଧ୍ୟ ଆଲୋଚନା କରିବେ ଆଡମିରାଲ କରମବୀର ସିଂ ।
ଭାରତୀୟ ନୌସେନା (Indian navy )ପକ୍ଷରୁ ମିଳିଥିବା ସୂଚନା ଅନୁସାରେ ୫ ଦିନିଆ ସଦଭାବନା ଯାତ୍ରା ଓ ରୁଷିଆ ନୌସେନାର ୩୨୫ ତମ ସ୍ଥାପନା ଦିବସ ପାଇଁ ନୌସେନାର ଯୁଦ୍ଧ ଜାହାଜ INS ତାବର ଗୁରୁବାର ଠାରୁ ବନ୍ଦରର ସହରରେ ପହଞ୍ଚି ଯାଇଛି । INS ତବର ରୁଷିଆ ନୌସେନା ଦିବସରେ ହେବାକୁ ଥିବା ପ୍ୟାରେଡରେ ସାମିଲ ହେବ । ଆସନ୍ତାକାଲି (ରବିବାର) ପ୍ୟାରେଡରେ ଅଭିବାଦନ ଗ୍ରହଣ କରିବେ ରାଷ୍ଟ୍ରପତି ଭ୍ଲାଦମିର ପୁଟିନ ।
ଉଭୟ ଦେଶ ମଧ୍ୟରେ ହେବ ଯୁଦ୍ଧାଭ୍ୟାସ ...