ନୂଆଦିଲ୍ଲୀ: ବହୁରାଷ୍ଟ୍ରୀୟ ସାମରିକ ଅଭ୍ୟାସରେ ଭାଗ ନେବାକୁ ଭାରତୀୟ ସେନାର ଏକ ପ୍ରତିନିଧି ଦଳ ବାଂଲାଦେଶ ରାଜଧାନୀ ଢାକାରେ ପହଞ୍ଚିଛି । ବାଂଲାଦେଶ ପ୍ରତିଷ୍ଠାତା ତଥା ପ୍ରଥମ ପ୍ରଧାନମନ୍ତ୍ରୀ ଶେଖ୍ ମୁଜିବୁର ରେହମାନଙ୍କ ଜନ୍ମ ଶତବାର୍ଷିକୀ ତଥା ବାଂଲାଦେଶ ମୁକ୍ତିର ସୁବର୍ଣ୍ଣ ଜୟନ୍ତୀ ପାଳନ ପାଇଁ ଏପ୍ରିଲ୍ 4-12 ରୁ ବହୁରାଷ୍ଟ୍ରୀୟ ସାମରିକ ବ୍ୟାୟାମ ଅନୁଷ୍ଠିତ ହୋଇଛି।ଡୋଗ୍ରା ରେଜିମେଣ୍ଟର ଅଫିସର, ଜୁନିଅର କମିଶନ ଅଫିସର (ଜୋକୋ) ଏବଂ ବାଟାଲିୟନ ଯବାନଙ୍କ ସମେତ ଭାରତୀୟ ସେନାର 30 ଜଣ ଯବାନଙ୍କୁ ନେଇ ଗଠିତ ଏହି ବାହିନୀ ଶନିବାର ଢାକାରେ ପହଞ୍ଚିିଛି ।
ସାମରିକ ଅଭ୍ୟାସରେ ଭାଗ ନେବାକୁ ଢାକାରେ ପହଞ୍ଚିଲା ଭାରତୀୟ ସେନା ପ୍ରତିନିଧି ଦଳ
ଏହି ପ୍ରତିନିଧି ଦଳ ଢାକା ବିମାନ ବନ୍ଦରରେ ପହଞ୍ଚିବା ପରେ ବାଂଲାଦେଶ ସେନା ଦ୍ୱାରା ସାମରିକ ପରମ୍ପରା ଅନୁଯାୟୀ ଆନୁଷ୍ଠାନିକ ଭାବେ ସ୍ୱାଗତ କରାଯାଇଥିଲା । ଗସ୍ତ କରିଥିବା ଭାରତୀୟ ସେନାର ଯବାନମାନେ ମଧ୍ୟ କୋଭିଡ ଆରଟିପିସିଆର ଟେଷ୍ଟ କରିଥିବା ଜଣାପଡିଛି ।