ନୂଆଦିଲ୍ଲୀ:ନଭେମ୍ବର ୧୦ରେ ଆଫଗାନିସ୍ତାନକୁ ନେଇ ଆୟୋଜିତ ହେବ ଆଞ୍ଚଳିକ ସୁରକ୍ଷା ବୈଠକ (regional security dialogue) । ଭାରତର ଜାତୀୟ ସୁରକ୍ଷା ଉପଦେଷ୍ଟା (NSA) ଅଜିତ ଡୋଭାଲଙ୍କ ଅଧ୍ୟକ୍ଷତାରେ ବସିବ ବୈଠକ । ଏଥିରେ ବିଭିନ୍ନ ଦେଶର ଜାତୀୟ ସୁରକ୍ଷା ଉପଦେଷ୍ଟା ଯୋଗଦେବେ ।
ଆଫଗାନ ପାଇଁ ବସିବ ଆଞ୍ଚଳିକ ସୁରକ୍ଷା ବୈଠକ, ଚୀନ-ପାକିସ୍ତାନକୁ ନିମନ୍ତ୍ରଣ ଦେଲା ଭାରତ - ଆଞ୍ଚଳିକ ସୁରକ୍ଷା ବୈଠକ
ନଭେମ୍ବର ୧୦ରେ ଅଜିତ ଡୋଭାଲଙ୍କ ଅଧ୍ୟକ୍ଷତାରେ ଆଫଗାନିସ୍ତାନକୁ ନେଇ ଆୟୋଜିତ ହେବ ଆଞ୍ଚଳିକ ସୁରକ୍ଷା ବୈଠକ। ଅଧିକ ପଢନ୍ତୁ...
ଏଏସଏ ଡୋଭାଲଙ୍କ ଅଧ୍ୟକ୍ଷତାରେ ଭାରତରେ ହେବ ଆଞ୍ଚଳିକ ସୁରକ୍ଷା ବୈଠକ
ଆଞ୍ଚଳିକ ସୁରକ୍ଷା ବୈଠକ (regional security dialogue) ୨୦୧୮ ଓ ୨୦୧୯ ରେ ଇରାନରେ ଆୟୋଜିତ ହୋଇଛି । ତୃତୀୟ ବୈଠକ ମହାମାରୀ କାରଣରୁ ଭାରତରେ ହୋଇପାରିନଥିଲା । ଏନଏସଏସ ମାନଙ୍କ ଆଞ୍ଚଳିକ ସୁରକ୍ଷା ବାର୍ତ୍ତାକୁ ନେଇ ଭାରତର ନିମନ୍ତ୍ରଣକୁ ବିଭିନ୍ନ ଦେଶ ସ୍ବାଗତ କରିଛନ୍ତି । ବିଶେଷ କରି ମଧ୍ୟଏସିଆ ଦେଶ ଋଷ ଓ ଇରାନ ସାମିଲ ହେବା ନେଇ ସୂଚନା ଦେଇଛନ୍ତି । ପ୍ରଥମ ଥର ପାଇଁ ଏହି ବୈଠକରେ ସମଗ୍ର ମଧ୍ୟ ଏସିଆ ସାମିଲ ହେବ ବୋଲି ଜଣାପଡିଛି । ଆଫଗାନିସ୍ତାନରେ ଶାନ୍ତି ଓ ସୁରକ୍ଷାକୁ ନେଇ ଆଞ୍ଚଳିକ ସ୍ତରରେ ଆଲୋଚନା କରିବା ଭାରତର ମହତ୍ତ୍ବପୂର୍ଣ୍ଣ ଭୂମିକା ରହିଛି।
ଏହି ବୈଠକରେ ଚୀନ ଓ ପାକିସ୍ତାନକୁ ମଧ୍ୟ ସାମିଲ ପାଇଁ ବାର୍ତ୍ତା ଦିଆଯାଇଛି କିନ୍ତୁ ସେମାନଙ୍କ କୌଣସି ଔପଚାରିକ ପ୍ରତିକ୍ରିୟା ମିଳିପାରିନାହିଁ । ସେପଟେ ପାକିସ୍ତାନ ଏହି ବୈଠକରେ ସାମିଲ ନ ହେବା ପାଇଁ ଗଣମାଧ୍ୟମ ଜରିଆରେ ପ୍ରକାଶ କରିଛି । ଏହି ବୈଠକରେ ପାକିସ୍ତାନ ସାମିଲ ନ ହେବା ନେଇ ଭାରତର ବୈଦେଶିକ ମନ୍ତ୍ରଣାଳୟ ଦୁର୍ଭାଗ୍ୟପୂର୍ଣ୍ଣ କିନ୍ତୁ ଆଶ୍ଚର୍ଯ୍ୟ ହେବାର କିଛି ନାହିଁ ବୋଲି କହିଛି । ଏହାସହ ପାକିସ୍ତାନ ଆଫଗାନିସ୍ତାନକୁ ନିଜର ସଂରକ୍ଷକ ଭାବରେ ଦେଖିବାର ମାନସିକତା ରଖିଛି ବୋଲି କହିଛି ।