ନୂଆଦିଲ୍ଲୀ: ନୌସେନା ଯୁଦ୍ଧ ଜାହାଜ INS ବିଶାଖାପାଟଣାରୁ ବ୍ରହ୍ମୋସ୍ ସୁପରସୋନିକ୍ କ୍ରୁଜ୍ କ୍ଷେପଣାସ୍ତ୍ର ସଫଳତାର ସହ ପରୀକ୍ଷଣ ହୋଇଛି । ପରୀକ୍ଷଣ ସଫଳ ହୋଇଥିବା ନେଇ ସୂଚନା ଦେଇଛି ଭାରତୀୟ ପ୍ରତିରକ୍ଷା ଗବେଷଣା ଓ ବିକାଶ ସଂସ୍ଥାନ (DRDO) । INS ବିଶାଖାପାଟନମରୁ ଏହାକୁ ଉତକ୍ଷେପଣ କରାଯାଇଥିବା ବେଳେ ସଫଳତାର ସହ ଏହା ଟାର୍ଗେଟକୁ ଲକ୍ଷ୍ୟଭେଦ କରିଛି । ଏହି ଅତ୍ୟାଧୁନିକ କ୍ଷେପଣାସ୍ତ୍ର ଭାରତ ଏବଂ ଋଷର ମିଳିତ ଉଦ୍ୟମରେ ନିର୍ମାଣ ହୋଇଛି ।
DRDO ସୂତ୍ରରୁ ମିଳିଥିବା ସୂଚନା ଅନୁସାରେ, ଭାରତୀୟ ନୌସେନାରେ ସାମିଲ ହୋଇଥିବା ସଦ୍ୟତମ ଅତ୍ୟାଧୁନିକ ସ୍ବେଦଶୀ ନିର୍ମିତ ଯୁଦ୍ଧ ଜାହାଜ INS ବିଶାଖାପାଟଣାରୁ ଏହାର ପରୀକ୍ଷଣ କରାଯାଇଥିଲା । ସମୁଦ୍ରରୁ ସମୁଦ୍ରକୁ ଲକ୍ଷ୍ୟଭେଦ କରୁଥିବା ଏହି କ୍ଷପଣାସ୍ତ୍ରର ସର୍ବାଧିକ ରେଞ୍ଜ (ଦୂରଗାମୀ) ବିଶିଷ୍ଟ ଭାରିଆଣ୍ଟକୁ ଆଜି ପରୀକ୍ଷଣ କରାଯାଇଥିଲା । ତେବେ କ୍ଷେପଣାସ୍ତ୍ର ନିର୍ଦ୍ଧାରିତ ଟାର୍ଗେଟକୁ ଲକ୍ଷ୍ୟଭେଦ କରି ପରୀକ୍ଷଣକୁ ସଫଳ କରିଥିବା DRDO କହିଛି ।