ନୂଆଦିଲ୍ଲୀ: ପୁଣି ଚିନ୍ତା ବଢାଇଲା କୋରୋନା । ଗତକାଲି(ମଙ୍ଗଳବାର)ର ଆଶ୍ବସ୍ଥି ପରେ ଆଜି ଆସିଛି ସଂକ୍ରମଣ ଏବଂ ମୃତ୍ୟୁସଂଖ୍ୟାର ଲମ୍ବା ତାଲିକା । ଗତକାଲି ମୃତ୍ୟୁସଂଖ୍ୟା ୩ ଅଙ୍କରେ ଥିବାବେଳେ ଆଜି ଏକାଥରେ ୪ ଅଙ୍କରେ ପହଞ୍ଚିଛି । ଅର୍ଥାତ୍ ୨୪ ଘଣ୍ଟା ମଧ୍ୟରେ ମୃତ୍ୟୁସଂଖ୍ୟା ୩୭୪ ରୁ ଲମ୍ଫ ମାରି ସିଧା ୩ ହଜାର ୯୯୮ ରେ ପହଞ୍ଚିଛି ।
ସେହିପରି ସଂକ୍ରମଣ ସଂଖ୍ୟା ମଧ୍ୟ ୧୨ହଜାର ବୃଦ୍ଧି ପାଇଛି । ୪ ମାସର ରେକର୍ଡରୁ ସାମାନ୍ୟ ଆଶ୍ବସ୍ଥି ମିଳି ଥିବାବେଳେ ପୁଣି ଆଜି ସଂକ୍ରମଣ ୪୨ ହଜାର ୧୫ ରେ ପହଞ୍ଚିଛି । ସ୍ବାସ୍ଥ୍ୟ ବିଭାଗ ସୂଚନା ଅନୁଯାୟୀ ୨୪ ଘଣ୍ଟାରେ ଦେଶରୁ ୩୬ ହଜାର ୯୭୭ କୋରୋନା ଆକ୍ରାନ୍ତ ସୁସ୍ଥହୋଇ ଘରକୁ ଫେରିଛନ୍ତି । ଗତ ଏକ ମାସ ମଧ୍ୟରେ ସଂକ୍ରମଣ ହାର ୨.୨୭ ପ୍ରତିଶତରୁ ବୃଦ୍ଧିପାଇ ୩ ପ୍ରତିଶତରେ ପହଞ୍ଚିଛି ।