ନୂଆଦିଲ୍ଲୀ: ଆସିଲା ଭାରତର ଦୈନିକ କୋଭିଡ ସଂକ୍ରମଣ ରିପୋର୍ଟ । ପୁଣି ୩୦ ହଜାର ପାର୍ କଲା ଦୈନିକ ସଂକ୍ରମଣ । ଗତ ୨୪ ଘଣ୍ଟାରେ ଦେଶରେ ମୋଟ ୩୧,୩୮୨ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି । ସେହିପରି ଦିନକରେ ୩୧୮ ଜଣଙ୍କ ମୁଣ୍ଡ ନେଇଛି କିଲର ଭାଇରସ ଏବଂ ମୋଟ ୩୨, ୫୪୨ ଜଣ ସୁସ୍ଥ ହୋଇଛନ୍ତି ।
ଏହି ନୂଆ ସଂକ୍ରମିତଙ୍କ ମିଶାଇ ଦେଶରେ ମୋଟ ସକ୍ରିୟ ମାମଲା 3,00,162ରେ ପହଞ୍ଚିଛି । ସେପଟେ ଏଯାବତ୍ ମୋଟ 3,28,48,273 କୋରୋନା କବଳରୁ ସୁସ୍ଥଲାଭ କରିଛନ୍ତି । ନୂତନ ମୃତ୍ୟୁସଂଖ୍ୟାକୁ ମିଶାଇ ଦେଶର ମୋଟ କୋରୋନା ଜନିତ ମୃତ୍ୟୁସଂଖ୍ୟା 4,46,368କୁ ବୃଦ୍ଧି ପାଇଛି ।