ନୂଆଦିଲ୍ଲୀ:ଦେଶରେ ତଳମୁହାଁ କୋରୋନା ଗ୍ରାଫ୍ । ଗତ ୨୪ ଘଣ୍ଟାରେ ଚିହ୍ନଟ ହେଲେ ୧୫,୭୬୮ ନୂଆ ସଂକ୍ରମିତ । ସେହିପରି ଗୋଟିଏ ଦିନ ୨୩୧ ଜଣ କୋରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି । ବର୍ତ୍ତମାନ ସୁଦ୍ଧା ଦେଶରେ ୧,୭୫,୭୪୫ଟି ସକ୍ରିୟ ମାମଲା ରହିଛି । ଏନେଇ ସୂଚନା ଦେଇଛି କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ।
ସେହିପରି ଗତ ୨୪ ଘଣ୍ଟାର ଦେଶରୁ ୧୮,୬୪୧ ଜଣ ସଂକ୍ରମିତ ସୁସ୍ଥ ହୋଇଛନ୍ତି । ଯାହାପରେ ଭାରତର ମୋଟ ସୁସ୍ଥସଂଖ୍ୟା ୩,୩୫,୧୪,୪୪୯କୁ ବୃଦ୍ଧି ପାଇଛି । ବର୍ତ୍ତମାନ ଦେଶର ସୁସ୍ଥ ହାର ୯୮.୧୬ ପ୍ରତିଶତ ରହିଛି । ଗୋଟିଏ ଦିନରେ ଆଖି ବୁଜିଥିବା ୨୩୧ ଆକ୍ରାନ୍ତଙ୍କ ମଧ୍ୟରୁ କେରଳରୁ କେବଳ ୧୧୮ ଜଣ ରହିଥିବା ଜଣାପଡିଛି ।