ନୂଆଦିଲ୍ଲୀ: ଦେଶରେ ନିୟନ୍ତ୍ରଣାଧୀନ ରହିଛି ମହାମାରୀ । ଗତ ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ 13,451 ନୂଆ ସଂକ୍ରମିତ । ଦେଶରେ ସଂକ୍ରମଣ ମାମଲା ସ୍ଥିର ଥିଲେ ହେଁ କିନ୍ତୁ ମୃତ୍ୟୁସଂଖ୍ୟାରେ ଲାଗୁନି ବ୍ରେକ । ଗୋଟିଏ ଦିନରେ ଦେଶରେ 585 ଜଣ କୋରୋନା ଆକ୍ରାନ୍ତଙ୍କ ମୃତ୍ୟୁ ଘଟିଛି । ସେହିପରି ଆଉ 14,021 ସଂକ୍ରମିତ ସୁସ୍ଥ ହୋଇଥିବା ପରିବାର ଓ ସ୍ବାସ୍ଥ୍ୟ କଲ୍ୟାଣ ମନ୍ତ୍ରଣାଳୟ ସୂଚନା ଦେଇଛି ।
ବର୍ତ୍ତମାନ ସୁଦ୍ଧା ଦେଶରେ ମୋଟ 3,42,15,653 ଟି କୋରୋନା ପଜିଟିଭି ମାମଲା ଚିହ୍ନଟ ହୋଇଛି । ସେଥିମଧ୍ୟରୁ 3,35,97,339 ଜଣ ସଂକ୍ରମିତ ସୁସ୍ଥ ହୋଇଛନ୍ତି । ସୁସ୍ଥ ସଂଖ୍ୟା ବଢିବା ସହ ଏହି କ୍ରମରେ ବର୍ତ୍ତମାନ ଦେଶରେ ମୋଟ 1,62,661ଟି ସକ୍ରିୟ ମାମଲା ରହିଛି । ସେହିପରି ଦେଶରେ ଆଉ 585 ଜଣଙ୍କ ମୃତ୍ୟୁ ପରେ କୋରୋନା ଜନିତ ମୃତ୍ୟୁସଂଖ୍ୟା 4,55,653 କୁ ବୃଦ୍ଧି ପାଇଛି ।