ନୂଆଦିଲ୍ଲୀ:ଦେଶରେ ସ୍ଥିର ରହିଛି ସଂକ୍ରମଣ । ଗତ ୨୪ ଘଣ୍ଟାରେ ୧୨,୭୨୯ ନୂଆ ସଂକ୍ରମିତ ଚିହ୍ନଟ । ଗୋଟିଏ ଦିନରେ ୧୨,୧୬୫ ଜଣ କୋରୋନାରୁ ସୁସ୍ଥ ହୋଇଥିବାବେଳେ ୨୨୧ ଜଣଙ୍କ ମୃତ୍ୟୁ ଘଟିଛି । ଯାହାପରେ ବର୍ତ୍ତମାନ ଦେଶରେ କୋରୋନା ଜନିତ ମୃତ୍ୟୁସଂଖ୍ୟା ୪ ଲକ୍ଷ ୫୯ ହଜାର ୮୭୩କୁ ବୃଦ୍ଧି ପାଇଛି ।
କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ମୁତାବକ, ଆଉ ୧୨,୧୬୫ ଜଣ ସଂକ୍ରମିତ ସୁସ୍ଥ ହେବା ପରେ ବର୍ତ୍ତମାନ ଦେଶରେ ମୋଟ ୧, ୪୮,୯୨୨ଟି ସକ୍ରିୟ ମାମଲା ରହିଛି । ଦେଶରୁ ଏଯାବତ୍ ୩,୩୭,୨୪,୯୫୯ ଜଣ ସୁସ୍ଥ ହୋଇଛନ୍ତି । ବର୍ତ୍ତମାନ ସମୟରେ କେରଳରେ ସଂକ୍ରମିତଙ୍କ ସଂଖ୍ୟା ଅଧିକ ରହୁଛି ।