ନୂଆଦିଲ୍ଲୀ: ଦେଶରେ ଥମିବାର ନାଁ ଧରୁନି କୋରୋନା ସଂକ୍ରମଣ । କିଛିଦିନ ସଂକ୍ରମଣ ହ୍ରାସ ପରେ ଏବେ ପୁଣି ଉପରମୁହାଁ ହୋଇଛି କୋରୋନା ଗ୍ରାଫ । ସ୍ବାସ୍ଥ୍ୟ ମନ୍ତ୍ରଣାଳୟର ରିପୋର୍ଟ ଅନୁସାରେ, ଦେଶରେ ଗତ ୨୪ ଘଣ୍ଟା ମଧ୍ୟରେ 42 ହଜାର 766 ନୂଆ ପଜିଟିଭ ଚିହ୍ନଟ ହୋଇଥିବା ବେଳେ 308 ଜଣଙ୍କ ମୁଣ୍ତ ନେଇଛି ମହାମାରୀ । ଏହାସହ ୩୮ ହଜାର ୦୯୧ ଜଣ ଆରୋଗ୍ୟ ଲାଭ କରିଛନ୍ତି ।
ତେବେ, ନୂଆ ଆକ୍ରାନ୍ତଙ୍କୁ ମିଶାଇ ଦେଶରେ ପଜିଟିଭଙ୍କ ସଂଖ୍ୟା 3 କୋଟି 29 ଲକ୍ଷ 88 ହଜାର 673କୁ ବୃଦ୍ଧି ପାଇଛି । ସେହିପରି ମୃତ୍ୟୁ ସଂଖ୍ୟା 4 ଲକ୍ଷ 40ହଜାର 533କୁ ବୃଦ୍ଧି ପାଇଥିବା ବେଳେ 4 ଲକ୍ଷ 10 ହଜାର 48 ସକ୍ରିୟ ମାମଲା ରହିଛି । ଏଯାବତ ୩ କୋଟି ୨୧ ଲକ୍ଷ ୩୮୦୯୨ ଜଣ ସୁସ୍ଥ ହୋଇ ଘରକୁ ଫେରିଥିବା ବେଳେ ଗତକାଲି ସନ୍ଧ୍ୟା ସୁଦ୍ଧା ସମୁଦାୟ ୬୮,୪୬,୬୯,୫୨୧ ଜଣ ହିତାଧିକାରୀଙ୍କୁ ଟିକା ଦିଆଯାଇଛି।