ପୋର୍ଟ ମୋରେସବି: ପପୁଆ ନ୍ୟୁଗିନିରେ ତୃତୀୟ ଫୋରମ ଫର ଇଣ୍ଡିଆ ପାସିଫିକ ଆଇଲାଣ୍ଡ କୋଅପରେସନ (ଏଫଆଇପିଆଇସି) ସମିଟରେ ସାମିଲ ହୋଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସମ୍ମିଳନୀକୁ ସମ୍ବୋଧନ କରିଛନ୍ତି ପ୍ରଧାନମନ୍ତ୍ରୀ । କୋରୋନା ମହାମାରୀ ପ୍ରଭାବ ଅଧିକ ଗ୍ଲୋବାଲ ସାଉଥ ଦେଶ ଉପରେ ପଡିଛି । ଜଳବାୟୁ ପରିବର୍ତ୍ତନ, ପ୍ରାକୃତିକ ବିପର୍ଯ୍ୟୟ, ଗରିବୀ ଓ ସ୍ବାସ୍ଥ୍ୟ ସହ ଜଡିତ ଚାଲେଞ୍ଜ ପ୍ରଥମରୁ ରହିଆସିଛି । ଏବେ ନୂଆ ସମସ୍ୟା ସୃଷ୍ଟି ହେଉଛି । ମୁଁ ଖୁସି ବ୍ୟକ୍ତ କରୁଛି ଯେ ମିତ୍ର ପ୍ରଶାନ୍ତ ଦ୍ବୀପ ଦେଶର ବିପଦ ସମୟରେ ଭାରତ ଛିଡା ହୋଇଛି । ଭାରତ ତୁମ ବିକାଶ ଭାଗିଦାରୀ ହୋଇଥିବାରୁ ଗର୍ବିତ । ଭାରତ ପ୍ରଶାନ୍ତ ସମୂହ ସହଯୋଗ ଶିଖର ସମ୍ମିଳନୀରେ ଯୋଗ ଦେଇ ଏହି କହିଛନ୍ତି ପ୍ରଧାନମନ୍ତ୍ରୀ ।
ଏଫଆଇପିଆଇସି ସମ୍ମିଳୀନକୁ ସମ୍ବୋଧନ କରି ପ୍ରଧାନମନ୍ତ୍ରୀ କହିଛନ୍ତି," ବିଶ୍ବ କୋରୋନା ମହାମାରୀ ସମେତ ଅନେକ କଠିନ ପରିସ୍ଥିତି ଦେଇ ଗତି କରିଛି । ଏହି ଚ୍ୟାଲେଞ୍ଜର ପ୍ରଭାବ ଗ୍ଲୋବାଲ ସାଉଥ ଦେଶ ଉପରେ ଅଧିକ ପଡିଛି । ଜଳବାୟୁ ପରିବର୍ତ୍ତନ, ପ୍ରାକୃତିକ ବିପର୍ଯ୍ୟୟ, ଗରିବୀ ଓ ସ୍ବାସ୍ଥ୍ୟ ସହ ଜଡିତ ଅନେକ ସମସ୍ୟା ପୂର୍ବରୁ ଥିଲା ଏବେ ନୂଆ ସମସ୍ୟା ସୃଷ୍ଟି ହୋଇଛି । ଖାଦ୍ୟ, ଇନ୍ଧନ, ସାର ଓ ଫାର୍ମା ଯୋଗାଣରେ ବାଧା ସୃଷ୍ଟି ହୋଇଛି । ଯାହାକୁ ଆମେ ବିଶ୍ବସନୀୟତା ମାନୁଥିଲୁ ଆବଶ୍ୟକ ବେଳେ ସେମାନେ ଆମ ସହ ଛିଡା ହୋଇନଥିବା ଜଣାପଡିଛି । ମୁଁ ଖୁସି ବ୍ୟକ୍ତ କରୁଛି ଯେ ଭାରତ ଏଭଳି କଠିନ ପରିସ୍ଥିତିରେ ତାର ମିତ୍ର ପ୍ରଶାନ୍ତ ଦ୍ବୀପ ଦେଶ ସହ କାନ୍ଧରେ କାନ୍ଧ ମିଶାଇ ଛିଡା ହୋଇଛି । ଭାରତରେ ପ୍ରସ୍ତୁତି ଟିକା ହେଉ ବା ଆବଶ୍ୟକୀୟ ଔଷଧ ଗହମ ହେଉ ବା ଚିନି ଭାରତ ତାର କ୍ଷମତା ଅନୁସାରେ ସମସ୍ତ ଦେଶକୁ ସାହାଯ୍ୟ କରିଛି । ମୋ ପାଇଁ ତୁମେ ବଡ ମହାସାଗର ଦେଶ ଛୋଟ ଦ୍ବୀପ ରାଜ୍ୟ ନୁହଁ ।''
ଏହା ବି ପଢନ୍ତୁ...G7 Summit: ମୋଦିଙ୍କ ଜ୍ୟାକେଟକୁ ନେଇ ବିଦେଶରେ ଚର୍ଚ୍ଚା