ନୂଆଦିଲ୍ଲୀ: ଶ୍ରୀଲଙ୍କାରେ ଲାଗି ରହିଥିବା ଆର୍ଥିକ ସଙ୍କଟ ମଧ୍ୟରେ ପଡୋଶୀ ଦେଶ ଭାବେ ଭାରତ ତାର ନୈତିକ ଦାୟିତ୍ବ ଜାରିରଖିଛି । ଶ୍ରୀଲଙ୍କାରେ ଏବେ ସର୍ବାଧିକ ଇନ୍ଧନ ସଙ୍କଟ ଜାରି ରହିଥିବାବେଳେ ଭାରତ ପର୍ଯ୍ୟାୟ କ୍ରମେ ମୋଟ 2,70,000 ମେଟ୍ରିକ୍ ଟନ୍ ଇନ୍ଧନ ପଠାଇ ସାରିଥିବା କଲୋମ୍ବରେ ଅବସ୍ଥାପିତ ଭାରତର ୟୁଚ୍ଚାୟୁକ୍ତ ସୂଚନା ଦେଇଛନ୍ତି ।
ମିଳିଥିବା ସୂଚନା ଅନୁସାରେ, ଭାରତ ପକ୍ଷରୁ ଗତ 24ଘଣ୍ଟା ମଧ୍ୟରେ 36,000 ମେଟ୍ରିକ୍ ଟନ୍ ପେଟ୍ରୋଲ ଏବଂ 40,000 ମେଟ୍ରିକ୍ ଟନ୍ ଡିଜେଲ ଶ୍ରୀଲଙ୍କାକୁ ପଠାଯାଇଥିଲା । ସେହିପରି ଭାରତ ପକ୍ଷରୁ ବର୍ତ୍ତମାନ ସୁଦ୍ଧା ଏକାଧିକ ପର୍ଯ୍ୟାୟରେ ସୁଦ୍ଧା ମୋଟ ଇନ୍ଧନ ସହାୟତା ପରିମାଣ 270,000 ମେଟ୍ରିକ୍ ଟନ୍ ଅତିକ୍ରମ କରିଥିବା ଭାରତୀୟ କର୍ତ୍ତୁପକ୍ଷ ସ୍ପଷ୍ଟ କରିଛନ୍ତି ।