ନୂଆଦିଲ୍ଲୀ: କୋରୋନା ମହାମାରୀ ବିରୋଧ ଲଢେଇରେ ଭାରତକୁ ମିଳିଛି ବଡ଼ ସଫଳତା । ସାରା ଦେଶରେ ୯୦ କୋଟି ଟୀକାକରଣ ଶେଷ ହୋଇଥିବାବେଳେ ଗତ ୨୪ ଘଣ୍ଟାରେ ୬୯ ଲକ୍ଷ ୩୩ ହଜାର ୮୩୮ ଲୋକଙ୍କୁ ଟିକା ଦିଆଯାଇଛି । ତେବେ ଏ ସମ୍ପର୍କରେ କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ମନସୁଖ ମାଣ୍ଡବ୍ୟ ଟ୍ବିଟ କରି ସୂଚନା ଦେଇଛନ୍ତି ।
ଏହି ଟ୍ବିଟରେ ସ୍ବାସ୍ଥ୍ୟମନ୍ତ୍ରୀ ଆହୁରି କହିଛନ୍ତି ଯେ ଶାସ୍ତ୍ରୀଜୀ 'ଜୟ ଜବାନ, ଜୟ କିଷାନ' ନାରା ଦେଇଥିଲେ । ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀ ଏଥିରେ 'ଜୟ ବିଜ୍ଞାନ' ଯୋଡ଼ିଥିଲେ । ବର୍ତ୍ତମାନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏଥିରେ 'ଜୟ ଅନୁସନ୍ଧାନ' ଯୋଡ଼ିଛନ୍ତି । ଏହି ଅନୁସନ୍ଧାନର ପରିଣାମ ଆଜି ଦେଖିବାକୁ ମିଳିଛି । ଟୀକାକରଣରେ ଦେଶକୁ ସଫଳତା ମିଳିଛି । ସେପଟେ ଗତ ୨୪ ଘଣ୍ଟାରେ ୨୪ ହଜାର ୩୫୪ ନୂଆ ପଜିଟିଭ ଚିହ୍ନଟ ହୋଇଥିବାବେଳେ ୨୫ ହଜାର ୪୫୫ ଜଣ ସୁସ୍ଥ ହୋଇଛନ୍ତି ।