ନୂଆଦିଲ୍ଲୀ:ମାର୍ଚ୍ଚ ୧୫କୁ ବଢିଲା ଆୟକର ରିଟର୍ଣ୍ଣ ଶେଷ ତାରିଖ । କୋରୋନା ସମୟରେ ଆୟକର ରିଟର୍ଣ୍ଣ ପୈଠ କରିବାରେ ସମସ୍ୟା ଦେଖାଯାଇଥିବା ବେଳେ ଏହି ଅବଧିକୁ ବୃଦ୍ଧି କରିଛି ଅର୍ଥ ମନ୍ତ୍ରଣାଳୟ । ଆଜି ଏନେଇ ଅର୍ଥ ମନ୍ତ୍ରଣାଳୟର ରାଜସ୍ୱ ବିଭାଗ ପକ୍ଷରୁ ଜାରି ବିଜ୍ଞପ୍ତିରେ ସୂଚନା ଦିଆଯାଇଛି । ପୂର୍ବରୁ ରିଟର୍ଣ୍ଣଂ ଦାଖଲ କରିବାର ଶେଷ ତାରିଖ 2021 ଡିସେମ୍ବର 31 ତାରିଖ ଥିଲା ।
ତେବେ ଅବଧି ବଢିବା ଫଳରେ କରଦାତାମାନେ କୋଭିଡ କାଳରେ ସାମାନ୍ୟ ଆଶ୍ବସ୍ତି ପାଇବେ । ବିଜ୍ଞପ୍ତିରେ କୁହାଯାଇଛି ଯେ ଆୟକର ନିୟମାବଳୀ ଅନୁଯାୟୀ ବିଭିନ୍ନ ଅଡିଟ୍ ରିପୋର୍ଟର ଇ-ଦାଖଲ ବେଳେ ସାମ୍ନାକୁ ଆସିଥିବା କିଛି ସମସ୍ୟାକୁ ଦୃଷ୍ଟିରେ ରଖି ଅନ୍ୟ ଏକ ଗୁରୁତ୍ବପୂର୍ଣ୍ଣ ନିଷ୍ପତ୍ତି ମଧ୍ୟ ନେଇଛି ଅର୍ଥ ମନ୍ତ୍ରଣାଳୟ ।