ନୂଆଦିଲ୍ଲୀ: ଦେଶରେ ନାବାଳିକାଙ୍କ ପ୍ରତି ବଢୁଛି ଅତ୍ୟାଚାର । ସୁରକ୍ଷିତ ନୁହନ୍ତି ନାବାଳିକା । ପ୍ରତିଦିନ ମର୍ଡର, ଦୁଷ୍କର୍ମ ଘଟଣା ଖବରକାଗଜର ଶିରୋନାମା ପାଲଟିଛି । ଗତ 40 ବର୍ଷ ମଧ୍ୟରେ ସର୍ବୋଚ୍ଚ ନ୍ୟାୟାଳୟରେ 16 ବର୍ଷରୁ କମ୍ ନାବାଳିକାଙ୍କୁ ହତ୍ୟା ଓ ଦୁଷ୍କର୍ମ ମାମଲାରେ ମାତ୍ର 67 ମାମଲା ରୁଜୁ କରାଯାଇଛି । ସେଥିମଧ୍ୟରୁ ମାତ୍ର 12ଟି ମାମଲାର ବିଚାର କରାଯାଇ ଦୋଷୀକୁ ମୃତ୍ୟୁଦଣ୍ଡ ଦିଆଯାଇଛି ।
ଏନେଇ ସୁପ୍ରିମକୋର୍ଟ କହିଛନ୍ତି କି, ଏପର୍ଯ୍ୟନ୍ତ 15ଟି ମାମଲା ବିଚାର କରାଯାଇ ଦଣ୍ଡବିଧାନ କରାଯାଇଛି । ସେଥିରୁ 12ଟି ମାମଲାରେ ଦୋଷୀକୁ ମୃତ୍ୟୁ ଦଣ୍ଡ ଦିଆଯାଇଥିବା ବେଳେ ଆଉ 3ଟି ମାମଲାରେ ସମୀକ୍ଷା କରାଯାଇ ଦୋଷୀଙ୍କୁ ଆଜୀବନ କାରାଦଣ୍ଡ ଦିଆଯାଇଛି । କୋର୍ଟ ଆହୁରି କହିଛନ୍ତି କି, ମୋଟ 67 ମାମଲାରୁ 16 ବର୍ଷରୁ କମ୍ ନାବାଳିକାଙ୍କୁ ହତ୍ୟା ଓ ଦୁଷ୍କର୍ମ ମାମଲାରେ 12ଜଣଙ୍କୁ ମୃତ୍ୟୁଦଣ୍ଡ ଦିଆଯାଇଛି ।