ନୂଆଦିଲ୍ଲୀ: ମଡର୍ଣ୍ଣ ଭ୍ୟାକ୍ସିନ ଉପରେ ଯୋଗଗୁରୁ ବାବା ରାମଦେବଙ୍କ ବୟାନକୁ ନେଇ ଜୋର ଧରିଛି ବିବାଦ । ଏପଟେ ବାବାଙ୍କ ବିରୋଧରେ ଦିଲ୍ଲୀରେ ଦାଖଲ ହୋଇଛି ଅଭିଯୋଗ । ଏଫଆଇଆର ଦାଏର ପାଇଁ ଦାବି କରିଛି ଇଣ୍ଡିଆନ ମେଡିକାଲ ଆସୋସିଏସନ (IMA) ।
ରାଜଧାନୀ ଦିଲ୍ଲୀରେ ଆଇଏମଏ ବାବା ରାମଦେବଙ୍କ ବିରୋଧରେ ଅଭିଯୋଗ ଦାଖଲ କରିଛି । ଆଇଏମଏର ମହାସଚିବ ଡଃ. ଜୟଶ ଲେଲେ କହିଛନ୍ତି, ରାମଦେବ ତାଙ୍କ ସହଯୋଗୀଙ୍କ ସହ ମିଶି ଲାଭବାନ ହେବା ଓ ସାଧାରଣ ଜନତାଙ୍କୁ କ୍ଷତି ପହଞ୍ଚାଇବା ଉଦ୍ଦେଶ୍ୟରେ ନିଜ ଅସାଧୁ ବୁଦ୍ଧିକୁ ଆଗକୁ ବଢାଉଛନ୍ତି ।