ରାଞ୍ଚି: ଶଯ୍ୟାଶାୟୀ ରୋଗୀଙ୍କ ଯତ୍ନ ନେବା ପାଇଁ ଜଣେ ନର୍ସ କିମ୍ବା ଅନ୍ୟ କିଛି ବ୍ୟକ୍ତି ଆବଶ୍ୟକ କରନ୍ତି । ଏହିପରି ରୋଗୀ ଏବଂ ସେମାନଙ୍କ ପରିବାର ପାଇଁ ଏକ ଅତ୍ୟାଧୁନିକ ସୁବିଧା ଥିବା ବେଡ ତିଆରି କରିଛନ୍ତି IIT ISM ଧାନବାଦର କିଛି ଛାତ୍ର । ସେ ଏଭଳି ଏକ ଉପକରଣ ଉଦ୍ଭାବନ କରିଛନ୍ତି ଯଦ୍ଦ୍ବାରା ବିଛଣାରେ ପଡ଼ିଥିବା ରୋଗୀଙ୍କୁ କୌଣସି ନର୍ସର ଆବଶ୍ୟକ ପଡ଼ିବ ନାହିଁ । ରୋଗୀର ମସ୍ତିଷ୍କ ତାଙ୍କ ପାଇଁ ନର୍ସ ଭାବରେ କାମ କରିବ । ଏହି ଉପକରଣ ରୋଗୀର ମସ୍ତିଷ୍କରୁ ଉତ୍ପନ୍ନ EEG ସଙ୍କେତ ମାଧ୍ୟମରେ କାମ କରିବ ବୋଲି ଛାତ୍ରମାନେ କହିଛନ୍ତି ।
ଅତ୍ୟାଧୁନିକ ବେଡ୍ ତିଆରି କଲେ IIT ଛାତ୍ର ବିଟେକ୍ ଶେଷ ବର୍ଷର ଛାତ୍ର ମନମୋହନ ଲାଭ, ୟଲ୍ଲା ମାର୍କ, ବିଶାଲ, ଇନାମପୁଡି ସାଇ ଅମିତଙ୍କ ଟିମ୍ ଆଇଆଇଟି ଆଇଏସ୍ଏମର ପ୍ରଫେସର ଜଫର ଆଲାମଙ୍କ ନେତୃତ୍ବରେ ଏହି ଯନ୍ତ୍ରଟି ପ୍ରସ୍ତୁତ କରିଛନ୍ତି । ମସ୍ତିଷ୍କରେ ସୃଷ୍ଟି ହୋଇଥିବା ଇଲେକ୍ଟ୍ରୋଏନ୍ସଫ୍ଲୋଗ୍ରାଫି (EEG) ସଙ୍କେତ ମାଧ୍ୟମରେ ଏହି ମେଡିକାଲ ବେଡ୍ ନିୟନ୍ତ୍ରିତ ହେବ । ମେଡିକାଲ ବେଡର ପ୍ରସ୍ତୁତ କରିବାର ମୁଖ୍ୟ ଉଦ୍ଦେଶ୍ୟ ହେଉଛି ପକ୍ଷାଘାତ, ଶଯ୍ୟାଶାୟୀ କିମ୍ବା ଗୁରୁତର ଅସୁସ୍ଥ ରୋଗୀଙ୍କୁ ସହାୟତା ପ୍ରଦାନ କରିବା । ଡାକ୍ତରଖାନାରେ ଚିକିତ୍ସା ନିୟନ୍ତ୍ରଣ ପାଇଁ ଏହି ମେସିନକୁ ପ୍ରସ୍ତୁତ କରାଯାଇଛି ।
ଏହା ବି ପଢନ୍ତୁ- Karnataka CM Oath Ceremony: କାଲି ଶପଥ ନେବେ ସିଦ୍ଧରମୈୟା, ଜାଣନ୍ତୁ କିଏ ହେବେ ସାମିଲ
ଏହି ମେସିନ୍ ହସ୍ପିଟାଲରେ କର୍ମଚାରୀଙ୍କ ଆବଶ୍ୟକତା ଏବଂ ଖର୍ଚ୍ଚ ହ୍ରାସ କରିବାରେ ମଧ୍ୟ ସହାୟକ ହେବ । ଏହି ପ୍ରୋଜେକ୍ଟଟି ସମ୍ପୂର୍ଣ୍ଣ କରିବାକୁ ଛାତ୍ରମାନଙ୍କୁ ୯ ମାସ ସମୟ ଲାଗିଛି । ଏହି ଅତ୍ୟାଧୁନିକ ବେଡ କାର୍ଯ୍ୟକ୍ଷମ ହେଲେ ଡାକ୍ତରଖାନାରେ ନର୍ସିଂ ଖର୍ଚ୍ଚ ହ୍ରାସ କରିହେବ । ଏହାସହିତ ରୋଗୀମାନଙ୍କୁ ଉନ୍ନତ ସେବା ମଧ୍ୟ ଯୋଗାଇ ଦିଆଯାଇପାରିବ । ହସ୍ପିଟାଲରେ କିଛି ରୋଗୀଙ୍କ ଅସୁବିଧା ପରିଲକ୍ଷିତ ପରେ ଏହି ଛାତ୍ରମାନେ ଏଭଳି ବେଡ ନିର୍ମାଣ କରିବା ଲାଗି ସ୍ଥିର କରିଥିଲେ । ଏବେ ଅଧିକାଂଶ ପକ୍ଷାଘାତ, ଦୁର୍ଘଟଣା ଘଟୁଥିବା ବେଳେ ଅନେକ ଶଯ୍ୟାଶାୟୀ ହୋଇପଡ଼ୁଛନ୍ତି । ତେବେ ସେମାନଙ୍କୁ ସୁବିଧା ଯୋଗାଇବା ଲାଗି ଏହି ମେଡିକାଲ ବେଡ୍ରେ ଅନେକ ବ୍ୟବସ୍ଥା କରାଯାଇଛି ।
ଏନେଇ ପ୍ରଫେସର ଆଲମ କହିଛନ୍ତି ଯେ ଶଯ୍ୟାଶାୟୀ ରୋଗୀ ଜଣକ ମସ୍ତିଷ୍କରେ ଯାହା ଚାଲିଥିବ ଅଥବା ସେ ଯାହା ଚାହୁଁଥିବ ସେହି ଅନୁସାରେ ବେଡ୍ଟି ନିୟନ୍ତ୍ରିତ ହେବ । ଯେଉଁ ରୋଗୀ ନିଜ ଉଦ୍ୟମରେ ଚାଲି କି ଉଠି ପାରୁନଥିବେ ସେମାନଙ୍କୁ ଏହି ବେଡ ଅତ୍ୟନ୍ତ ସହାୟକ ହେବ । ଏଭଳି ରୋଗୀଙ୍କ ପାଖରେ ସର୍ବଦା ଜଣେ ଉପସ୍ଥିତ ରହିବାକୁ ପଡ଼ିଥାଏ । ଫଳରେ ଏକପ୍ରକାର ବୋଝ ବଢ଼ିଥାଏ । ଏଭଳି ସମସ୍ୟାର ସମାଧାନ ଲାଗି ଏହି ବେଡର ନିର୍ମାଣ କରିଛନ୍ତି ଏହି ଛାତ୍ର ଟିମ୍ । ବାୟୁ ଚାଳିତ ସିଲିଣ୍ଡର ମାଧ୍ୟମରେ ଏହି ମେଡିକାଲ ବେଡକୁ ବ୍ୟବହାର କରାଯିବା ସହ ଏହା ସୁଲଭ ଦରରେ ଉପଲବ୍ଧ ରହିବ ।
