ରାଞ୍ଚି:ଝାରଖଣ୍ଡ ଧାନବାଦ ସ୍ଥିତ ଆଇଆଇଟି ଆଇଏସଏମରେ ସହକାରୀ ପ୍ରଫେସରଙ୍କ ମୃତ୍ୟୁ । ସ୍ବିମିଂପୁଲରେ ସାଙ୍ଗମାନଙ୍କ ସହ ଗାଧୋଇବା ସମୟରେ ତାଙ୍କ ମୃତ୍ୟୁ ଘଟିଥିବା କୁହାଯାଉଛି । ମୃତ ପ୍ରଫେସର ଜଣକ ହେଉଛନ୍ତି ଓଡ଼ିଶାର ମୂଳ ବାସିନ୍ଦା ଯଶବନ୍ତ ଉଜାଲା । ମୃତ୍ୟୁର କାରଣ ଜଣାପଡ଼ିନଥିବା ବେଳେ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ କରୁଥିବା ସୂଚନା ମିଳିଛି ।
ଏହା ମଧ୍ୟ ପଢ଼ନ୍ତୁ:Park Soo Ryun: କୋରିଆନ ଅଭିନେତ୍ରୀ ପାର୍କ ସୋ ରିୟୁନଙ୍କ ଦେହାନ୍ତ, ଅଙ୍ଗଦାନ କରିବେ ପରିବାର ଲୋକେ
ସୂଚନା ଅନୁଯାୟୀ, ମଙ୍ଗଳବାର ସକାଳେ ଯଶବନ୍ତ ପ୍ରତିଦିନ ପରି ନିଜ ସହଯୋଗୀ ମାନଙ୍କ ସହ ଆଇଏସଏମ ପରିସରରେ ଥିବା ସ୍ବିମିଂପୁଲରେ ଗାଧୋଉଥିଲେ । ସ୍ବିମିଂପୁଲରେ ଦୁଇଟି ପାର୍ଶ୍ବ ଅଛି । ଗୋଟିଏ ପାର୍ଶ୍ବରୁ ପୁଲ ମଧ୍ୟକୁ ଯିବା ପାଇଁ ରାସ୍ତା ଥିବା ବେଳେ ଅନ୍ୟ ପାର୍ଶ୍ବରେ ଡେଇଁବା ପାଇଁ ବ୍ୟବସ୍ଥା ରହିଛି । ତେବେ ସହକାରୀ ପ୍ରଫେସର ଯଶବନ୍ତ ଉକ୍ତ ପାର୍ଶ୍ବରୁ ସ୍ବିମିଂପୁଲକୁ ଡେଇଁଥିଲେ । ଏହାପରେ ସେ ସିଧା ପାଣି ଭିତରକୁ ଚାଲି ଯାଇଥିଲେ । କିଛି ସମୟ ଯାଏ ସେ ପାଣି ଭିତରୁ ବାହାରକୁ ବାହାରି ନଥିଲେ । ସେଠାରେ ଉପସ୍ଥିତ ସହକର୍ମୀ ତାଙ୍କୁ ପାଣିରୁ ଉଦ୍ଧାର କରି ଗୁରୁତର ଅବସ୍ଥାରେ ଆଇଏସଏମ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ । ସ୍ବାସ୍ଥ୍ୟବସ୍ଥା ସଂକଟାପନ୍ନ ହେବାରୁ ତାଙ୍କୁ ଏସଏନଏମଏମସିଏଚ ହସ୍ପିଟାଲକୁ ଅଣାଗଲା । ଚିକିତ୍ସିତ ଅବସ୍ଥାରେ ସେଠାରେ ତାଙ୍କର ମୃତ୍ୟୁ ଘଟିଛି । ଯଶବନ୍ତ ଓଡ଼ିଶାର ମୂଳ ବାସିନ୍ଦା ହୋଇଥିବା ବେଳେ ତାଙ୍କ ପରିବାର କୋଲକାତାରେ ରହୁଥିବା ଜଣାପଡ଼ିଛି । ମୃତ୍ୟୁ ଘଟଣା ନେଇ ତାଙ୍କ ପରିବାରକୁ ଖବର ଦିଆଯାଇଛି । ଯଶବନ୍ତଙ୍କ ମୃତ୍ୟୁ ଖବର ପରେ ଆଇଏସଏମ ପରିସରରେ ଶୋକର ଛାୟା ଖେଳି ଯାଇଛି ।